सर्वेक्षणः ७०% फिनिसहरू वर्तमान सरकार प्रति असन्तुष्ट  

फिनल्याण्डमा प्रधानमन्त्री पेटेरी ओर्पो नेतृत्वको सरकारप्रति व्यापक असन्तुष्टि देखिएको छ। हालै Uutissuomalainen (USU) द्वारा सार्वजनिक गरिएको एक मत सर्वेक्षणअनुसार दुई तिहाइभन्दा बढी, अर्थात् ६८ प्रतिशत, फिनिस नागरिक सरकारको कामकारबाहीसँग असन्तुष्ट रहेका छन्। केवल २८ प्रतिशतले मात्र सरकारले ‘एकदम राम्रो’ वा ‘केही राम्रो’ काम गरेको बताएका छन्। चार प्रतिशतले सरकारको कामबारे कुनै राय दिन चाहेनन्।

सर्वेक्षणका अनुसार महिलाहरुमा सरकारप्रतिको असन्तुष्टि पुरुषको तुलनामा निकै बढी देखिएको छ। लगभग ७५ प्रतिशत महिलाले ओर्पो सरकारको प्रदर्शनलाई ‘नराम्रो’ वा ‘केही नराम्रो’ मानेका छन्। पुरुषहरुमा भने यो आँकडा ६० प्रतिशत रहेको छ। यसले वर्तमान सरकार पुरुषहरुमाझ तुलनात्मक रुपमा केही बढी लोकप्रिय रहेको सङ्केत गर्दछ।

आम्दानीको स्तरले पनि सरकारप्रतिको धारणामा स्पष्ट भिन्नता देखाएको छ। उच्च आय भएका व्यक्तिहरुमाझ ओर्पो सरकारप्रति सबैभन्दा बढी सन्तुष्टि पाइएको छ। न्यून आय भएकाहरुको स्पष्ट बहुमत वर्तमान सरकारका नीति तथा कार्यसम्पादनसँग असन्तुष्ट रहेको सर्वेक्षणले देखाएको छ।

यो सर्वेक्षण मे महिनाको मध्यतिर गरिएको थियो। सर्वेक्षणको समग्र नतिजामा ३.१ प्रतिशत बिन्दुको तलमाथि हुन सक्ने त्रुटि मार्जिन रहेको बताइएको छ।

आम्दानीको स्तरले पनि सरकारप्रतिको धारणामा स्पष्ट भिन्नता देखाएको छ।

यो असन्तुष्टिले प्रधानमन्त्री ओर्पो र उनको गठबन्धन सरकारमाथि आगामी दिनमा नीतिगत सुधारका लागि थप दबाब सिर्जना गर्ने देखिन्छ।