फिनल्यान्डको तुर्कु नजिकै रहेको कारिना सहरको एक एस-मार्केटमा नाङ्गै छिरेर किनमेल प्रयास गर्ने एक ४५ वर्षीय पुरुषलाई जरिवाना तिराइएको छ।
२४ घन्टा खुला रहने उक्त पसलमा उनले बिहानको करिब साढे तीन बजे गुप्ताङ्ग देखाउँदै प्रवेश गरेका थिए।
त्यतिबेला पसलमा कामदारबाहेक अरू ग्राहक भने थिएनन्। उनको यो हर्कतले कामदारहरूलाई अफ्ठ्यारो र असजिलोपन पैदा गरेको थियो।
फिनल्यान्डमा सार्वजनिक स्थानमा गुप्ताङ्ग देखाउनु गैरकानुनी मानिन्छ।
ती पुरुषले आफ्नो गल्ती स्वीकार गर्दै सार्वजनिक शिष्टता उल्लङ्घन गरेकोमा जरिवाना तिर्न सहमत भएका थिए।
उनले आफू सामाजिक सहायतामा बाँचिरहेको बताएका थिए। उनलाई न्यूनतम ६ युरो प्रतिदिनका दरले १० दिनको जरिवाना लगाइयो।
उनले १० दिनको जरिवानाबापत ६० युरो र अपराध पीडित शुल्क ४० युरो गरी जम्मा १०० युरो जरिवाना तिर्नुपर्ने भएको छ।
