.संक्षेपमा.
- २४ घण्टामा ५०-६० मिलिमिटरसम्म वर्षा हुने अनुमान।
- बिहीबार र शुक्रबार छोटो समयका लागि मौसम सुधार हुने।
- तापक्रम १० देखि १५ डिग्री सेल्सियसको बीचमा रहने।
फिनल्यान्डको मौसम विभागका अनुसार अहिले फिनल्यान्डको कुनै पनि भागमा गर्मी मौसम अर्थात् समरको कुनै संकेत देखिएको छैन। न्यून चापीय प्रणालीका कारण लगातार वर्षा भइरहेको छ र यो केहि समय जारी रहने छ। विशेषगरी फिनल्यान्डको मध्य भागमा अत्यधिक वर्षाको सम्भावना रहेको छ।
वाइएलईका मौसमविद् अलेक्सी लोहटान्डेरका अनुसार दिउँसो र साँझतिर वर्षाको मात्रा अझै बढ्ने र २४ घण्टामा ५० देखि ६० मिलिमिटरसम्म वर्षा हुने अनुमान गरिएको छ। हाल देशभर तापक्रम १० देखि १५ डिग्री सेल्सियसको बीचमा रहेको र आउँदो केही दिनसम्म यसमा खासै परिवर्तन नहुने उनले बताए।
बुधबारदेखि वर्षाको मात्रा केही कम हुने र न्यून चापीय प्रणाली देशको पूर्वी भागतिर सर्ने अनुमान गरिएको छ। बिहीबार र शुक्रबार केही समयका लागि मौसममा सुधार आउने भए पनि आइतबारदेखि पुनः वर्षा सुरु हुने मौसमविद् लोहटान्डरले जानकारी दिए।
