.संक्षेपमा.
- हेलसिन्कीका एक प्रहरी यौन र पदीय अपराधको शंकामा।
- उनी मानव बेचबिखन अनुसन्धान समूहका एक महत्वपूर्ण सदस्य थिए।
- आरोपपछि उनलााई पदबाट बर्खास्त गरियो।
हेलसिन्की प्रहरी विभागको मानव बेचबिखन अनुसन्धान समूहमा कार्यरत एक प्रहरी अधिकारीलाई यौन र पदीय अपराधको आरोपमा पदबाट बर्खास्त गरिएको छ।
अपराधका घटनाहरू सन् २०२४ को मार्च र २०२५ को समरबीच हेलसिन्कीमा भएको आशंका गरिएको छ।
केही घटनाहरू कामको समयमा र केही व्यक्तिगत समयमा भएका थिए।
आरोपित प्रहरीले पदीय दुरुपयोगका केही आरोपहरू आंशिक रूपमा स्वीकार गरेका छन्, तर यौन अपराधको आरोप भने अस्वीकार गरेका छन्।
हेलसिन्की प्रहरी विभागले यस वर्षको अगस्टमा राष्ट्रिय अभियोजकको कार्यालयको प्रहरी अपराध एकाइबाट यस विषयमा जानकारी पाएको थियो। जानकारी पाउनासाथ विभागले तुरुन्तै आन्तरिक अनुसन्धान प्रक्रिया सुरु गरेको थियो।
अनुसन्धानपछि विभागले ती वरिष्ठ प्रहरी अधिकारीलाई आफ्नो पदमा रहन अयोग्य ठहर गर्दै सेप्टेम्बर १८ मा उनलाई सेवाबाट बर्खास्त गर्ने निर्णय गर्यो।
मानव बेचबिखन अनुसन्धान समूहका एक महत्वपूर्ण सदस्य संलग्न भएको यो घटनालाई ‘अत्यन्तै असाधारण’ भनिएको छ।
अत्यन्तै असाधारण घटना
मानव बेचबिखन अनुसन्धान समूहका एक महत्वपूर्ण सदस्य संलग्न भएको यो घटनालाई ‘अत्यन्तै असाधारण’ भनिएको छ।
“यो अत्यन्तै असाधारण घटना हो, आरोपित व्यक्ति मानव बेचबिखन अनुसन्धान समूहकै सदस्य हुन्।” क्षेत्रीय अभियोजक तथा प्रहरी अपराध मामिलाका अनुसन्धान निर्देशक मिक्को तेप्पोलाले भनेका छन्।
अभियोजक तेप्पोलाले अपराधको प्रकृति वा ती घटनाहरू मानव बेचबिखनको अनुसन्धानसँग सम्बन्धित थिए वा थिएनन् भन्नेबारे थप टिप्पणी गर्न चाहेनन्।
यस मामिलामा पूर्व-परीक्षण अनुसन्धान जारी छ र थप जानकारी केहि समयपछि सार्वजनिक गरिने बताइएको छ।
प्रहरी अधिकारीद्वारा गरिएको शंकास्पद अपराध भएकोले अनुसन्धानको नेतृत्व अभियोजकले गरिरहेका छन् र अनुसन्धान राष्ट्रिय प्रहरी अपराध अनुसन्धान एकाइले गरिरहेको छ।
