.संक्षेपमा.
- हेलसिन्की र कार्या बीचको रेल सेवा जुलाई २७ सम्म बन्द हुने।
- यात्रुहरुलाई बस सेवा प्रदान गरिने।
- २०२९ सम्ममा परियोजना पूरा हुने अपेक्षा।
फिनल्यान्डको राजधानी हेलसिन्की र तुर्कु शहर बीचको रेल यातायात २३ जुन सोमवार अर्थात् आजै देखि ५ हप्ता सम्मका लागि बन्द गरिएको छ। यो स्थगन एस्पो क्षेत्रमा कमर्सियल रेल सेवाको क्षमता बढाउने उद्देश्यका लागि गरिएको हो।
हेलसिन्की केन्द्रीय रेल्वे स्टेशन र कार्या बीचको लाइनलाई चार ट्रयाकको बनाउने काम जारी छ। त्यसैले रेल यात्रा सेवा बन्द रहने बताइएको छ।
यस अवधिमा हेलसिन्की र तुर्कुबिच यात्रा गर्ने यात्रुहरुलाई बस सेवा प्रदान गरिनेछ। रेल लाइन विस्तारको परियोजना २०२९ सम्ममा पूरा हुने अपेक्षा गरिएको छ।
