.संक्षेपमा.
- १५ वर्षीय किशोरको घटनास्थलमै मृत्यु।
- २२ वर्षीय कार चालक प्रहरी नियन्त्रणमा।
- चालकमाथि गम्भीर लापरबाहीको अभियोग।
फिनल्यान्डको भान्तास्थित तिक्कुरिलामा हिजो शनिबार साँझ भएको गम्भीर सवारी दुर्घटनामा परी एक १५ वर्षीय किशोरको ज्यान गएको छ।
दुईवटा कार आपसमा ठोक्किएपछि अनियन्त्रित भएको एउटा कार रेस्टुरेन्टको टेरेसमा जोतिँदा यो दुःखद घटना भएको हो।
दुर्घटना शनिबार साँझ करिब ७:२० बजे Talvikkitie र Hernetie सडकको चोकमा भएको थियो। त्यहाँ दुईवटा कार एकआपसमा ठोक्किएका थिए।
ठक्करपछि एउटा कार हुत्तिएर नजिकैको Grill House रेस्टुरेन्टको टेरेसमा पुगेको थियो। पूर्वी-उसिमा प्रहरीका अनुसार दुर्घटनाको समयमा टेरेसमा धेरै मानिसहरू थिए।
कारले किचेपछि उनलाई बचाउन तत्कालै प्रयास गरिएको थियो, तर उनको घटनास्थलमै मृत्यु भयो।
टेरेसमा रहेका १५ वर्षीय किशोरले कार आफूतिर आएको देखेर भाग्न भ्याएनन्। कारले किचेपछि उनलाई बचाउन तत्कालै प्रयास गरिएको थियो, तर उनको घटनास्थलमै मृत्यु भयो।
टेरेसमै रहेका अर्का एक युवा भने भाग्न सफल भएका छन्। उनी सडकबाट हाम फालेर बच्न सफल भएको र उनलाई कुनै शारीरिक चोटपटक नलागेको प्रहरीको विज्ञप्तीमा उल्लेख छ।
टेरेसमा कार जोताउने चालक २२ वर्षीय पुरुष हुन्। प्रहरीले उनलाई नियन्त्रणमा लिएको छ।
प्रहरीले घटनाको कारणबारे विस्तृत अनुसन्धान गरिरहेको जनाएको छ। प्रारम्भिक रूपमा चालकमाथि गम्भीर सडक सुरक्षा उल्लङ्घन र लापरबाहीपूर्ण हत्याको अभियोग लगाइएको छ।
अनुसन्धान अघि बढ्दै जाँदा मुद्दाका शीर्षकहरू थप स्पष्ट हुने प्रहरीले जनाएको छ। घटनाबारे थप जानकारी आइतबार सार्वजनिक गरिने बताइएको छ।
