📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- इरानी जहाजमा पनडुब्बीद्वारा आक्रमण भएको दाबी।
- १०१ जना बेपत्ता र ७८ जना घाइते भएको जानकारी।
- उद्धार कार्य जारी, थप विवरण आउन बाँकी।
श्रीलंकाको तटीय क्षेत्रमा एक इरानी युद्धपोतमाथि पनडुब्बीले आक्रमण गर्दा कम्तीमा १०१ जना बेपत्ता भएका छन्।
श्रीलंकन नौसेना र रक्षा मन्त्रालयका स्रोतहरूका अनुसार घटनामा ७८ जना घाइते भएका छन् भने ३० जनाको जीवितै उद्धार गरिएको छ।
श्रीलंकन सशस्त्र बलले बुधबार बिहानैदेखि डुब्दै गरेको इरानी जहाजबाट मानिसहरूको उद्धार सुरु गरेको श्रीलंकाको द डेली मिरर पत्रिकाले जनाएको छ।
इरानी जहाजले संकटको संकेत (डिस्ट्रेस कल) पठाएपछि नौसेना परिचालन गरिएको श्रीलंकाको रक्षा मन्त्रालयले जनाएको छ।
अधिकारीहरूले समुद्रमा खोजी कार्य जारी राखेका छन्। यद्यपि बाँकी चालक दलका सदस्यहरूको अवस्थाबारे अझै कुनै आधिकारिक जानकारी प्राप्त हुन सकेको छैन।
विदेशमन्त्री विजिथा हेराथले संसद्मा बोल्दै ‘आइरिस डेना’ नामक इरानी जहाजले बिहानै सहायताका लागि सन्देश पठाएको बताएका थिए। उक्त जहाजमा कुल १८० जना सवार रहेको जानकारी दिइएको छ।
‘आइरिस डेना’ इरानी नौसेनाको ‘मौगदे’ श्रेणीको एउटा आधुनिक फ्रिगेट युद्धपोत हो। सन् २०२१ मा सेवामा आएको ९५ मिटर लामो उक्त जहाजमा सामान्यतया १४० जनाको चालक दल रहने गर्छ।
श्रीलंकन संसद्मा विपक्षी दलले आक्रमणमा अमेरिका वा इजरायलको संलग्नता रहेको आशंका गरेका छन्। तर सरकारले यस विषयमा अहिलेसम्म कुनै स्पष्ट जवाफ दिएको छैन।
इरान र इजरायलबीच बढ्दो क्षेत्रीय तनावका कारण हिन्द महासागरका रणनीतिक जलमार्गहरूमा सुरक्षा खतरा बढ्दै गएको छ।
‘आइरिस डेना’ इरानको स्वदेशमै निर्मित अत्याधुनिक युद्धपोतहरूमध्ये एक हो, जसले लामो दुरीको सामुद्रिक अभियानहरू सञ्चालन गर्दै आएको थियो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
