📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डको लाहतीस्थित पायुलाहतीमा शुक्रबार दिउँसो एक दुःखद घटनामा करिब १० वर्षीय बालकको डुबेर मृत्यु भएको छ। हामे प्रहरी विभागका अनुसार घटना पायुलाहतीको समुद्री तट नजिकै भएको हो।
बालक आफ्ना साथीहरूसँग पौडी खेल्न गएका थिए। करिब २० मिनेटसम्म साथीहरूले उनलाई नदेखेपछि र उनको सामान किनारमै रहेको पाएपछि उनीहरूले बालक हराएको आशंका गरेका थिए। त्यसपछि तत्कालै आपतकालीन सेवा र प्रहरीलाई खबर गरिएको थियो।
घटनाको खबर पाउनासाथ उद्धार टोली घटनास्थलमा पुगेको थियो। आपतकालीन सेवाका गोताखोरहरूले पानीभित्र खोजी गरी बालकलाई बाहिर निकालेका थिए।
प्रारम्भमा पीडित ‘टिनएजर’ भएको बताइएको थियो, तर पछि हामे प्रहरी विभागले पीडित करिब १० वर्षीय बालक भएको स्पष्ट पारेको छ।
प्रहरीले हाल यस घटनामा कुनै अपराधको आशंका नरहेको जनाएको छ। घटनालाई मृत्युको कारण पत्ता लगाउने अनुसन्धानको रूपमा अगाडि बढाइएको छ र थप जानकारी तत्काल सार्वजनिक नगरिने प्रहरीले बताएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
