📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- हेलसिन्कीमा थप १५–२० मिलिमिटर वर्षा हुने मौसमविद्को अनुमान।
- उसीमा क्षेत्रमा प्रतिसेकेन्ड १५ मिटर गतिको हावाहुरीको चेतावनी।
- ढल भरिएर सडक र होचा स्थानहरू जलमग्न हुनसक्ने सम्भावना।
फिनल्यान्डको राजधानी हेलसिन्की र आसपासका क्षेत्रमा आइतबार पनि भारी वर्षा जारी छ। यसैबीच उसीमा क्षेत्रमा कडा हावाहुरी चल्ने चेतावनी जारी गरिएको छ।
मौसमविद्हरुका अनुसार बिहानसम्ममा थप १५ देखि २० मिलिमिटर वर्षा हुनसक्छ। उसीमा क्षेत्रमा उत्तर र उत्तर-पूर्वबाट प्रतिसेकेन्ड १५ मिटरसम्मको हावा चल्ने अनुमान छ।
भारी वर्षा र हावाहुरी आउँदा रुखहरू ढल्ने, सडक यातायात प्रभावित हुने र होचा क्षेत्रमा पानी जम्ने जोखिम रहन्छ।
समुद्री क्षेत्रमा पनि मौसम खराब छ। फिनल्यान्डको खाडीको पूर्वी भागमा अग्ला र ठुला छालहरू आउने चेतावनी दिइएको छ। राति समुद्री क्षेत्रमा आँधी समेत आएको थियो।
शनिबार मध्यरातसम्म हेलसिन्कीमा ६ देखि ९ मिलिमिटर मात्र पानी परेको थियो। तर कोत्कामा भने २७ मिलिमिटर वर्षा मापन गरिएको थियो।
हावाहुरीका कारण वर्षाको सही मापन गर्न कठिन भएको छ। आइतबार बिहानपछि भने पानी पर्ने क्षेत्र पूर्व र दक्षिण-पूर्वी फिनल्यान्डतर्फ सर्ने मौसमविद्हरुको आकलन छ।
भारी वर्षाले सहरी क्षेत्रमा बाढी ल्याउनसक्ने फोरेकाका मौसमविद् इल्का आलाङ्कोले फिनिस भाषाका मिडियालाई दिएको प्रतिक्रियामा बताएका छन्। भारी वर्षाका कारण ढलले छिटो पानी निकास गर्न नसक्दा सडकहरू जलमग्न हुन सक्नेछन्।
नयाँ साताको सुरुवातसँगै मौसम सफा हुनेछ। सोमबार तापक्रम २०°C को आसपास रहनेछ भने घाम लाग्नेछ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
