📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- सन् २०४० सम्ममा फिनल्यान्डमा करिब एक लाख विद्यार्थी घट्ने अनुमान।
- विशेष गरी ग्रामीण क्षेत्रका विद्यालयहरू बन्द हुने उच्च जोखिममा।
- घट्दो जनसंख्या पूर्ति गर्न आप्रवासी बालबालिकाको संख्या उल्लेख्य रूपमा बढ्ने।
फिनल्यान्डमा तीव्र रूपमा घट्दै गएको जन्मदरका कारण आगामी १५ वर्षभित्र करिब आधा प्राथमिक विद्यालयहरू बन्द हुन सक्ने एक सरकारी अध्ययनले देखाएको छ।
शिक्षा तथा संस्कृति मन्त्रालयले गराएको उक्त अध्ययनअनुसार सन् २०४० सम्ममा प्राथमिक तहका विद्यार्थीहरूको संख्यामा करिब एक लाखले कमी आउनेछ। यसले देशको शैक्षिक संरचनामा ठूलो परिवर्तन ल्याउने निश्चित छ।
यो नाटकीय गिरावटले गर्दा विशेष गरी ग्रामीण क्षेत्रहरूमा विद्यालयहरू सञ्चालन गर्न असम्भव हुनेछ। विद्यार्थी संख्या अत्यन्तै कम भएपछि विद्यालयहरू बन्द गर्नुको विकल्प रहने छैन।
अध्ययन प्रतिवेदनअनुसार केही ग्रामीण क्षेत्रहरूमा स्थानीय बालबालिकालाई पढाउनका लागि प्राथमिक विद्यालय नै नरहने अवस्था आउन सक्छ। यस्तो अवस्थामा बालबालिकाहरू शिक्षाका लागि छिमेकी नगरपालिकाहरूमा यात्रा गर्न बाध्य हुनेछन्।
फिनल्यान्डको जन्मदर लामो समयदेखि घट्दो क्रममा छ। सन् २०२४ मा यो दर प्रति महिला १.२५ को ऐतिहासिक न्यून विन्दुमा पुगेको थियो, जुन जनसंख्या स्थिर राख्न आवश्यक दरभन्दा निकै कम हो।
यसको ज्वलन्त उदाहरण दक्षिणी ओस्ट्रोबोथ्नियाको कारीयोकी (Karijoki) गाउँ हो जहाँ गत वर्ष केवल तीन जना बालबालिका जन्मिए। स्थानीय नगरपालिका प्रबन्धक मार्को केस्की-सिक्किलाका अनुसार यही अवस्था रहे सन् २०३० सम्ममा कारीयोकीमा जम्मा ३८ जना मात्र विद्यार्थी हुनेछन्।
यद्यपि फिनल्यान्डको जनसंख्या वृद्धिमा आप्रवासनले ठूलो योगदान दिएको छ। प्रतिवेदनले विद्यालयमा पनि यो प्रवृत्ति देखिने उल्लेख गरेको छ।
फिनल्यान्डको जन्मदर लामो समयदेखि घट्दो क्रममा छ।
सन् २०४० सम्ममा १५ वर्ष मुनिका गैर-नेटिभ पृष्ठभूमि भएका बालबालिकाको संख्या करिब ८६,००० ले बढ्ने अनुमान छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
