📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- सोमबारका लागि तय भएका फिन एयरका करिब १०० उडानहरू रद्द भएका छन्।
- कर्मचारी युनियनको हड्तालका कारण हेलसिन्की विमानस्थलका विभिन्न सेवाहरू प्रभावित भएका छन्।
- यो निर्णयले ७,५०० भन्दा बढी यात्रुहरू प्रभावित हुनेछन्।
फिनल्यान्डको राष्ट्रिय ध्वजावाहक फिन एयरले सोमबारका लागि निर्धारित करिब १०० उडानहरू रद्द गरेको छ। फिनिस एभिएसन युनियन (IAU) ले हेलसिन्की विमानस्थलमा काम रोक्ने घोषणा गरेपछि यो निर्णय लिइएको हो। यसअघि शुक्रबार पनि कम्पनीले १४० उडानहरू रद्द गरेको थियो। फिन एयरको पछिल्लो निर्णयले करिब ७,५०० यात्रुहरूलाई असर गर्ने अनुमान छ।
युनियनको काम रोक्का गर्ने कार्यले हेलसिन्की विमानस्थलको ग्राहक सेवा, विमान मर्मत, ब्यागेज ह्यान्डलिङ, कार्गो, ग्राउन्ड ह्यान्डलिङ र क्याटरिङ सेवाहरूमा असर पार्ने बताइएको छ। यसका कारण उडानहरू ढिलो हुनसक्ने र सोमबार ब्यागेज ह्यान्डलिङमा पनि अवरोध आउन सक्ने सम्भावना छ। फिनएयरका अनुसार, केही उडानहरूमा खाना वा ब्यागेज लोड नहुन सक्छ। लामो दूरीका उडानहरूमा भने खाना उपलब्ध हुनेछ।
फिनएयरले शनिबारदेखि नै सोमबारका उडानहरू रद्द गर्न सुरु गरेको थियो। कम्पनीले एक विज्ञप्ति मार्फत वैकल्पिक उडानहरूको उपलब्धता सीमित रहेको र यात्रुहरूलाई अर्को उडानमा सार्न (rerouting) धेरै घण्टा लाग्न सक्ने बताएको छ। उडान परिवर्तनका कारण खाना वा घरपालुवा जनावरहरूको ढुवानी जस्ता पूर्व-अर्डर गरिएका यात्रा सेवाहरू पनि प्रभावित हुन सक्ने कम्पनीले जनाएको छ।
राष्ट्रिय एयरलाइनले यस अवस्थाबाट उत्पन्न “अनिश्चितता र हानिका” लागि माफी मागेको छ र प्रभावित यात्रुहरूलाई SMS वा इमेल मार्फत सम्पर्क गरिरहेको जनाएको छ। युनियनले मे १६ मा थप हड्ताल गर्ने चेतावनी दिएको छ, जसका कारण भविष्यमा अझै उडानहरू प्रभावित हुन सक्ने जनाइएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
