📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- तलब बृद्धिबाट करिब ५.५ लाख कर्मचारीहरू लाभान्वित हुने।
- यो नतिजालाई कर्मचारी संघको ठूलो जीतको रूपमा हेरिएको छ।
- राज्य, स्वास्थ्य क्षेत्र र नगरपालिकामा काम गर्नेहरू लाभान्वित।
फिनल्यान्डको सार्वजनिक क्षेत्रमा कार्यरत कर्मचारीहरूले आगामी तीन वर्षको अवधिमा कुल ७.८ प्रतिशत तलब वृद्धि पाउने भएका छन्। यो सम्झौताले राज्य, स्वास्थ्य क्षेत्र र नगरपालिकाका गरी करिब ५.५ लाख कर्मचारीहरूलाई प्रत्यक्ष प्रभाव पार्नेछ।
श्रमिक संघहरू र सरकारी निकायबीच भएको यो सम्झौताले विशेषगरी नगरपालिका र स्वास्थ्य क्षेत्रका कर्मचारीहरूको तलब कार्यक्रमलाई निरन्तरता दिएको छ। यद्यपि यो वृद्धि मौजुदा योजनामा प्रस्तावित दरभन्दा केही कम छ। राज्यका करिब ७६,००० कर्मचारीहरू र स्थानीय तथा स्वास्थ्य क्षेत्रका थप ५ लाख कर्मचारीहरू यस सम्झौताबाट लाभान्वित हुनेछन्।
सम्झौता कार्यान्वयनका लागि विभिन्न पक्षहरूको स्वीकृति आवश्यक पर्नेछ। जुको (JUKO) प्रशासनले पहिले नै राज्यको वार्ता परिणामलाई स्वीकृति दिइसकेको छ। अन्य संघहरू (जस्तै PRO र JHL) ले पनि छिट्टै आफ्नो निर्णय सार्वजनिक गर्ने जनाईएको छ।
सरकारी र नगर तथा कल्याणकारी क्षेत्रका कर्मचारीहरूले वार्तामा कम्तिमा पनि सामान्य बजार दर अनुसारको तलब वृद्धिको माग गर्दै आएका थिए। साथै नगर र कल्याणकारी क्षेत्रका कर्मचारीहरूले तलब बढाउन दबाब दिएका थिए। रोजगारदाता पक्षले सार्वजनिक अर्थतन्त्रको कमजोर अवस्थाका कारण तलब वृद्धि सम्भव नभएको तर्क गर्दै आएको थियो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
