📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- फिनल्याण्डले रुसी राजदूत पाभेल कुज्नेत्सोभलाई बोलाएर स्पष्टीकरण माग्यो।
- दुई रुसी सैन्य विमान पोर्भो नजिक फिनिस आकाशमा प्रवेश गरेको फिनिस अधिकारीहरूको दाबी।
- फिनल्याण्डले यस घटनालाई गम्भीरतापूर्वक लिएको र तत्काल अनुसन्धान सुरु गरेको जानकारी।
फिनल्यान्डको परराष्ट्र मन्त्रालयले शुक्रवार दुई वटा रुसी सैन्य विमानले आफ्नो आकाश सीमा उल्लङ्घन गरेको आशङ्कामा फिनल्यान्डका लागि रुसी राजदूत पाभेल कुज्नेत्सोभलाई बोलाएर सोधपुछ गरेको छ। फिनिस अधिकारीहरूका अनुसार पोर्भो सहर नजिक रुसी विमानहरू फिनिस आकाशमा अनधिकृत रूपमा प्रवेश गरेका थिए। यो फेब्रुअरी महिनापछिको पहिलो यस्तो घटना हो।
राजदूतलाई परराष्ट्र मन्त्रालयका पूर्वी विभागका प्रमुख मिक्को किविकोस्कीले भेटेको मन्त्रालयको सञ्चार विभागले जानकारी दिएको छ।
फिनल्यान्डले हवाई सीमा उल्लंघनलाई गम्भीरताका साथ लिएको राजदूतलाई जानकारी गराइएको थियो र उनीसंग स्पष्टीकरण माग गरिएको थियो। राजदूतलाई यस विषयसँग सम्बन्धित एक नोट पनि प्रदान गरिएको थियो।
परराष्ट्र मन्त्रालयका अनुसार यस्ता सन्दर्भमा स्पष्टीकरण माग्नु सामान्य प्रक्रिया हो। राजदूतले यो विषयलाई जानकारीमा लिएको र सन्देश अगाडि पठाउने बताएको परराष्ट्र मन्त्रालयले बताएको छ।
रुसी कूटनीतिज्ञलाई बोलाउने फिनल्यान्डको निर्णयबारे ट्याब्लोइड पत्रिका Iltalehti र सरकारी फिनिस प्रसारण संस्था YLE ले विदेश मन्त्रालयका प्रवक्तालाई उद्धृत गर्दै समाचारको पुष्टि गरेका थिए।
“हामी सम्भावित आकाश सीमा उल्लङ्घनलाई गम्भीरतापूर्वक लिन्छौँ र यसबारे अनुसन्धान भइरहेको छ।” फिनिस रक्षा मन्त्री आन्ती ह्याक्कानेनले शुक्रवार दिएको छोटो प्रतिक्रियामा भनेका थिए।
विशेष गरी युक्रेन युद्ध र फिनल्यान्डको नेटो सदस्यता पछिको परिवर्तित परिवेशमा फिनल्यान्ड र रुसको सम्बन्ध तनावपूर्ण रहँदै आएको छ।
फिनल्यान्डले रुससँग उक्त घटनाबारे औपचारिक रूपमा स्पष्टीकरण माग्ने मनसाय पनि राखेको जनाइएको छ। फिनल्यान्डको खाडीको तट रक्षक (The Gulf of Finland Coast Guard) ले पनि घटनाको प्रारम्भिक अनुसन्धान सुरु गरेको छ।
एक विश्लेषकका अनुसार यो घटनाले दुई देशबिचको सम्बन्धमा थप तनाव उत्पन्न गर्न सक्ने देखिएको छ। विशेष गरी युक्रेन युद्ध र फिनल्यान्डको नेटो सदस्यता पछिको परिवर्तित परिवेशमा फिनल्यान्ड र रुसको सम्बन्ध तनावपूर्ण रहँदै आएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
