📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्याण्डको टाम्पेरेमा बसोबास गर्दै आएकी अफगानिस्तानी मूलकी ३७ वर्षीया होमाइरा कादरीलाई यस वर्षको ‘उत्कृष्ट शरणार्थी’ (Vuoden pakolainen) घोषित गरिएको छ। फिनिस रिफ्युजी एड (Suomen Pakolaisapu) ले बिहीबार एक कार्यक्रममार्फत यो सम्मानको घोषणा गरेको हो।
अफगानिस्तानबाट आएकी कादरी पेशाले प्रारम्भिक बाल्यकाल अर्थात् डे-केयर शिक्षिका हुन्। उनको परिवारमा श्रीमान, तीन सन्तान, आमाबुवा, एक बहिनी र चार भाइहरू छन्। कादरी सन् २००३ मा पारिवारिक पुनर्मिलनको माध्यमबाट फिनल्याण्ड आएकी थिइन् र त्यसयता उनी फिनिस समाजमा सक्रिय रूपमा संलग्न छिन्।
यो सम्मानको मुख्य उद्देश्य शरणार्थीहरूलाई नयाँ मातृभूमिमा उनीहरूको लक्ष्य र सपनाहरू प्राप्त गर्नका लागि सहयोग पुर्याउनु रहेको फिनिस रिफ्युजी एडले जनाएको छ।
यो सम्मानले आप्रवासन सम्बन्धी राष्ट्रिय बहसमा शरणार्थीहरूको आवाजलाई स्थान दिन र उनीहरूका अनुभवहरूलाई सेयर गर्न पनि महत्त्वपूर्ण भूमिका खेल्ने उक्त एजेन्सीको दाबी छ।
फिनल्याण्डमा ‘वर्ष शरणार्थी’ चयन गर्ने परम्परा सन् १९९८ देखि चल्दै आएको छ। यो सम्मानले हरेक वर्ष एकजना शरणार्थी व्यक्तिलाई उनीहरूको सकारात्मक योगदान र समुदायमा प्रेरणादायी भूमिकाको लागि कदर गर्दै आएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
