📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- हत्या प्रयासको आरोपमा एक व्यक्ति पक्राउ।
- घटनामा एक व्यक्ति घाइते, अस्पताल भर्ना।
- प्रहरी कारबाहीको क्रममा इताभाउला (Itäväylä) राजमार्ग करिब एक घण्टा बन्द।
हेलसिन्की। शनिवार साँझ हेलसिन्कीको हेर्तोनियमी क्षेत्रमा फिनिस प्रहरीले ठुलो अपरेसन चलाएको छ। प्रहरीले उक्त अपरेसनबारे विज्ञप्ति जारी गर्दै हत्या प्रयासको आशङ्कामा अनुसन्धान गरिरहेको पुष्टि गरेको छ। घटनाका कारण इताभाउला (Itäväylä) राजमार्गमा करिब एक घण्टा यातायात अवरुद्ध भएको थियो।
प्रहरीले जनाए अनुसार हत्या प्रयासको आशङ्कामा एक व्यक्तिलाई पक्राउ गरिएको छ। घटनास्थलबाट अर्का एक व्यक्तिलाई घाइते अवस्थामा फेला पारिएको थियो। उनलाई अस्पताल भर्ना गरिएको छ। घाइतेको ज्यान खतरामा नरहेको प्रहरीले जनाएको छ।
प्रहरीका अनुसार पीडित र अभियुक्त दुवै वयस्क हुन् र उनीहरूले एक अर्कालाई पहिलेदेखि चिन्दथे। हालसम्मको जानकारीअनुसार यो घटना अन्य व्यक्तिप्रति लक्षित थिएन।
प्रहरी अपरेसनका कारण इताभाउला राजमार्गको यातायात करिब एक घण्टाका लागि रोकिएको थियो। विशेष गरी सोरनाइनेनको किनारबाट इताभाउलातर्फ जाने र्याम्पमा ट्राफिक बन्द गरिएको थियो।
प्रहरीलाई राति करिब ९:३० बजे आपत्कालीन सूचना प्राप्त भएको थियो। लगत्तै घटनास्थलमा प्रहरीका धेरै टोलीहरू परिचालन गरिएको थियो। घटनास्थलमा प्रहरीको ठुलो बस समेत लगिएको थियो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
