📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- हाकुनिलास्थित लाइला पुल्लिनेन मूर्तिकला पार्कबाट बहुमूल्य काँस्यका मूर्तिहरू चोरी।
- चोरी भएका मूर्तिहरूको मूल्य लगभग १,४०,००० युरो ($150,000) रहेको अनुमान।
- प्रहरीले घटनालाई गम्भीर चोरीको रूपमा अनुसन्धान गर्दै।
फिनल्यान्डको भान्तास्थित एक प्रसिद्ध मूर्तिकला पार्कबाट दुईवटा बहुमूल्य काँस्य मूर्तिहरू चोरी भएका छन्। पूर्वी उसीमा प्रहरीका अनुसार लाइला पुल्लिनेन मूर्तिकला पार्क र संग्रहालयबाट बुधबार जुलाई १६ को साँझ र बिहीबार जुलाई १७ को बिहानको बीचमा चोरी भएका ती मूर्तिहरूको संयुक्त मूल्य लगभग १,४०,००० युरो रहेको छ।
सयौं किलो तौलका यी कलाकृतिहरूको चोरीलाई प्रहरीले गम्भीर अपराधको रूपमा अनुसन्धान गरिरहेको छ।
प्रहरीका अनुसार बिहीबार बिहान करिब ५ बजे मूर्तिकला पार्कबाट ती कलाकृतिहरू हराएको पत्ता लागेको थियो। चोरी भएका मूर्तिहरू ‘Torso’ र ‘Pako kolmanteen todellisuuteen’ हुन्।
यी मूर्तिहरू प्रसिद्ध मूर्तिकार लाइला पुल्लिनेनको सांस्कृतिक तथा ऐतिहासिक संग्रहको हिस्सा थिए। चोरहरूले तेस्रो मूर्ति पनि लैजान प्रयास गरेका थिए। तर प्रयास सफल नभएपछि ढालेर छाडेका थिए।
चोरी भएका मूर्तिहरूको तौल सयौं किलोग्राम भएकोले चोरहरूले विशेष उपकरण प्रयोग गरेको हुनसक्ने अनुमान गरिएको छ।
लाइला पुल्लिनेन फिनल्याण्डकी एक प्रसिद्ध कलाकार र मूर्तिकार थिइन्। उनको काममा आधुनिकतावाद खासगरी मूर्तिकलाको शास्त्रीय आधुनिकतावादको झलक पाइन्छ। अन्तर्राष्ट्रिय रूपमा ख्याति कमाउने थोरै फिनिस महिला कलाकारहरूमध्ये उनी पनि एक थिइन्। चोरी भएका मूर्तिहरू उनैले बनाएकी हुन्। उनको सन् २०१५ मा ८२ वर्षको उमेरमा निधन भएको थियो।
प्रहरीले संदिग्धहरूको पहिचान गर्न बुधबार राति ९ बजेदेखि बिहीबार बिहान ५ बजेको बीचमा मूर्तिकला पार्कको वरपर कुनै पनि शंकास्पद गतिविधि देखेका प्रत्यक्षदर्शीहरूलाई सम्पर्क गर्न अनुरोध गरेको छ। प्रहरीले अनुसन्धानका लागि अन्य कुनै पनि सम्भावित जानकारी र सुचना महत्त्वपूर्ण हुने बताएको छ।
सर्वसाधारणले कुनै पनि जानकारी पूर्वी उसीमा प्रहरीलाई इमेल ठेगाना [email protected] वा फोन नम्बर 0503999026 मा सम्पर्क गरेर दिन सक्नेछन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
