हेलसिन्की – हेलसिन्कीको Lahdenväylä राजमार्गमा आइतबार बिहान भएको कार दुर्घटनामा मृत्यु हुनेको संख्या दुई पुगेको छ।
दुर्घटनामा गम्भीर घाइते भएका अर्का एक जनाको अस्पतालमा उपचारका क्रममा मृत्यु भएको प्रहरीले जनाएको छ।
आइतबार बिहान भएको उक्त दुर्घटनामा एक यात्रुको घटनास्थलमै मृत्यु भएको थियो।
दुर्घटनामा गम्भीर घाइते अन्य दुई जनालाई अस्पताल भर्ना गरिएको थियो, जसमध्ये एकको मृत्यु भएको हो। गाडी चालक भने जिवितै छन्।
प्रहरीका अनुसार मृत्यु हुनेमा एक युवक र एक युवती रहेका छन्। मादक पदार्थ सेवन गरेका चालकले नियन्त्रण गुमाउँदा कार सडकबाट उछिट्टिएर दुर्घटना भएको थियो।
घटनाको अनुसन्धान जारी नै रहेको प्रहरीले बताएको छ। चालकमाथि अझै पनि गम्भीर ट्राफिक सुरक्षा उल्लंघन, गम्भीर मादक पदार्थ सेवन गरी गाडी चलाएको (rattijuopumus) र लापरवाहीद्वारा मृत्यु तथा गम्भीर चोट पुर्याएको जस्ता अभियोगहरूमा अनुसन्धान भइरहेको छ।
