📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- ‘अरली काँडैले’, ‘गल्बन्दी’ र ‘बोल माया’ जस्ता चर्चित गीतकी गायिका हेलसिन्कीमा।
- मामा इभेन्ट्सको आयोजना, १० वर्ष मुनिकालाई निःशुल्क प्रवेश।
- लाइभ कार्यक्रम आज साँझ हेलसिन्कीको पुओतिलामा।
नेपाली लोक संगीतको क्षेत्रमा आफ्नो छुट्टै पहिचान बनाएकी लोकप्रिय गायिका शान्तिश्री परियारले आज साँझ हेलसिन्कीमा आफ्नो आवाजको जादू छर्नेछिन्। कार्यक्रमका लागि परियार हेलसिन्की आइसकेकी छिन्।
मामा इभेन्ट्सको आयोजनामा हुन लागेको ‘शान्तिश्री लाइभ इन हेलसिन्की’ कार्यक्रमको तयारी पूरा भएको आयोजकले जनाएको छ।
परियार अहिले युरोप टुरका क्रममा छिन्। विभिन्न मुलुकमा प्रस्तुति दिएपछि अहिले फिनल्यान्ड आइपुगेकी हुन्।
हेलसिन्कीको पुओतिलास्थित Vartiokylän Työväentalo मा आयोजना हुने कार्यक्रम साँझ ५:३० बजेबाट सुरु हुनेछ। कार्यक्रमस्थल पुओतिला मेट्रो स्टेसनबाट नजिकै रहेकोले सहभागीहरूलाई आवतजावतमा सहज हुने आयोजकले जनाएको छ।
आयोजकका अनुसार १० वर्षभन्दा कम उमेरका बालबालिकाका लागि प्रवेश निःशुल्क गरिएको छ भने परिवार र समूहमा आउनेहरूका लागि टिकटमा छुटको व्यवस्था छ। कार्यक्रम स्थलमा गाडी पार्किङको पनि निःशुल्क व्यवस्था रहेको छ।
यो सांगीतिक कार्यक्रमलाई सोलु मार्केट, प्रकाश ढकाल, भिल्ला नेपाल रेस्टुरेन्ट र २४आरडी इभेन्ट्सले सहयोग गरेका छन्।
को हुन् परियार?
रोल्पाको एक सामान्य परिवारमा जन्मिएकी ३६ वर्षे परियारले लामो संघर्षपछि नेपाली संगीत क्षेत्रमा आफूलाई स्थापित गरेकी हुन्।
प्रकाश सपुतको ‘बोल माया’ गीतबाट व्यापक चर्चामा आएकी उनले त्यसपछि ‘गल्बन्दी’, ‘बसौं अलग्गै’, ‘कुरा बुझ्न पर्छ’ जस्ता कैयौं गीतहरू दर्शक-श्रोतालाई दिएकी छिन्।
उनले अहिलेसम्म तीन हजार भन्दा बढी गित रेकर्ड गरेकी छन्। उनका गीतहरू युट्युबमा करोडौं पटक हेरिएको छ। उनको ‘अरली काँडैले’ भन्ने गीत पनि निकै चर्चित छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
