📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- चिकित्सकीय परीक्षणबाट शिशुको मृत्यु निसासिएर भएको खुल्यो।
- आमाबाबुलाई पक्रेर नशामा रहे नरहेको बारे परिक्षण।
- आमाबाबुको बीचमा सुत्दा निद्रामा चेपिएर मृत्यु भएको हुनसक्ने आशंका।
फिनल्यान्डका एक दम्पतीको दुई महिने शिशुको ग्रीसको क्रीट टापुमा मृत्यु भएको छ। ग्रीसका स्थानीय सञ्चारमाध्यमहरूले घटनाको समाचार प्रकाशित गरेका छन्।
ग्रीक सिएनएनका अनुसार शिशु आफ्ना आमाबाबुसँगै होटेलको कोठामा सुतिरहेको अवस्थामा मृत फेला परेका थिए। तीस वर्षभन्दा कम उमेरका आमाबाबुले आइतबार बिहान आफ्नो बच्चा अचेत अवस्थामा रहेको थाहा पाएपछि तुरुन्तै एम्बुलेन्स बोलाएका थिए।
शिशुलाई तत्कालै एम्बुलेन्समार्फत अस्पताल लगिएको थियो, तर त्यहाँ पुग्दासम्म उनको ज्यान बचाउन सकिने अवस्था थिएन।
चिकित्सकीय परीक्षणबाट शिशुको मृत्यु निसासिएर भएको पुष्टि भएपछि स्थानीय प्रहरीले उनका आमाबाबुलाई मानववधको आरोपमा पक्राउ गरेको थियो।
ग्रीसका स्थानीय सञ्चारमाध्यमहरूका अनुसार प्रहरीले अनुसन्धान गरिरहेको मुख्य आशंका भनेको आमाबाबुको बीचमा सुतेका शिशुलाई निद्राको समयमा अञ्जानमा चेपिएको हुनसक्ने भन्ने हो।
घटना आइतबार बिहान करिब ११ बजेतिर भएको थियो। उनीहरू चानियास्थित एक होटेलमा पर्यटकको रूपमा बसेको थियो।
सूचना पाउनासाथ प्रहरी, एम्बुलेन्स (EKAV) र एक चिकित्सा परीक्षक घटनास्थलमा पुगेका थिए। त्यहाँ उनीहरूले शिशुलाई कोठाको ओछ्यानमा मृत अवस्थामा फेला पारेका थिए।
प्रहरीले शिशुका आमाबाबुलाई पक्राउ गरी विषाक्तता परीक्षण (toxicology tests) पनि गरेको थियो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
