📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goहेलसिन्कीको पिक्कु हुओपलाहतीस्थित एक निजी अपार्टमेन्टमा बुधबार अक्टोबर १५ को मध्यरातमा एक व्यक्तिको गोली लागेर मृत्यु भएको छ।
प्रहरीले उक्त घटना हत्या भएको आशंका गरेको छ र दुई जना (एक महिला र एक पुरुषलाई) लाई पक्राउ गरी अनुसन्धान अगाडि बढाएको छ।
प्रहरीका अनुसार मध्यरात करिब १ बजे आपतकालीन केन्द्रमा एक निजी अपार्टमेन्टमा गोली चलेको हुन सक्ने भनी सूचना प्राप्त भएको थियो।
सूचना पाएलगतै घटनास्थल पुगेको प्रहरी टोलीले अपार्टमेन्ट भित्र एक पुरुषको शव फेला पारेको थियो।
मृतक सन् १९७४ मा जन्मेका पुरुष भएको प्रहरीले पहिचान गरेको छ। प्रहरीले हत्याको आशंकामा सन् १९६६ मा जन्मेका एक पुरुष र सन् १९९९ मा जन्मेकी एक महिलालाई पक्राउ गरेको छ।
पक्राउ परेका २ जना श्रीमान श्रीमती हुन्। घटनामा पक्राउ परेका पुरूष पनि घाइते भएका थिए।
पीडित र अभियुक्तहरू एउटै परिवारका नभए पनि एकअर्कासँग परिचित रहेको जनाइएको छ।
प्रहरीले हाल उक्त घटनालाई हत्याको कोणबाट अनुसन्धान गरिरहेको जनाएको छ। घटनाबारे थप विवरणहरू अनुसन्धानपछि सार्वजनिक गरिने बताइएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
