📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- उबर इट्स २०२६ देखि फिनल्यान्डमा सञ्चालनमा आउने।
- खाना डेलिभरी बजारमा प्रतिस्पर्धा बढ्ने।
- रेस्टुरेन्ट र डेलिभरी कामदारका लागि भने नयाँ अवसरहरू सिर्जना हुने।
राइड-सेयरिङ सेवाका लागि विश्वभर परिचित ‘उबर’ले आफ्नो लोकप्रिय फुड डेलिभरी प्लेटफर्म ‘उबर इट्स’ अर्को वर्षदेखि फिनल्यान्डमा सुरु गर्ने घोषणा गरेको छ।
यो घोषणासँगै फिनल्यान्डको खाना डेलिभरी बजारमा लामो समयदेखि प्रभुत्व जमाउँदै आएका ‘वोल्ट’ र ‘फुडोरा’ले एक प्रमुख अन्तर्राष्ट्रिय प्रतिस्पर्धीको सामना गर्नुपर्नेछ।
सन् २०१४ मा स्थापना भएको उबर इट्स एक विश्वव्यापी प्लेटफर्म हो। अमेरिका र अष्ट्रेलियाजस्ता देशहरूमा यो एक प्रमुख खेलाडी मानिन्छ।
कम्पनीले विश्वका १०,००० भन्दा बढी शहरहरूमा १० लाखभन्दा बढी रेस्टुरेन्ट र व्यापारीहरूसँग सहकार्य गरिरहेको छ।
कम्पनीले जारी गरेको विज्ञप्तिअनुसार “उबर इट्स एपमार्फत लाखौं मानिसहरूले आफ्नो नजिकैका रेस्टुरेन्ट र पसलहरू फेला पार्न सक्छन् र आफूलाई आवश्यक पर्ने उत्पादनहरू सजिलै र छिटो एउटै बटन थिचेर अर्डर गर्न सक्छन्।”
फिनल्यान्डमा उबर इट्सको आगमनले ग्राहकहरूका लागि थप विकल्पहरू ल्याउने अपेक्षा गरिएको छ। यसले रेस्टुरेन्टहरूका लागि आफ्नो व्यापार विस्तार गर्ने नयाँ अवसर प्रदान गर्न सक्छ। फिनल्यान्डका विभिन्न शहरहरूमा रहेका नेपाली रेस्टुरेन्टहरूका लागि पनि यो अवसर प्राप्त हुनेछ।
डेलिभरीको काम खोजिरहेका धेरै नेपालीहरूका लागि यो रोजगारीको नयाँ माध्यम पनि बन्न सक्ने देखिन्छ। अहिले पनि वोल्ट र फुडराजस्ता डेलिभरी कम्पनीका लागि धेरै नेपालीले काम गर्ने गरेका छन्।
साथै डेलिभरीको काम खोजिरहेका धेरै नेपालीहरूका लागि यो रोजगारीको नयाँ माध्यम पनि बन्न सक्ने देखिन्छ। अहिले पनि वोल्ट र फुडराजस्ता डेलिभरी कम्पनीका लागि धेरै नेपालीले काम गर्ने गरेका छन्।
उबर इट्सले रेस्टुरेन्टको खानाका साथै दैनिक उपभोग्य वस्तुहरू पनि डेलिभरी गर्ने योजना बनाएको छ, जसले प्रतिस्पर्धालाई अझै फराकिलो बनाउनेछ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
