📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- ४७ वर्षको उमेरमा ब्रेन ट्युमरका कारण निधन।
- निधनको परिवारका सदस्यद्वारा पुष्टि।
- चर्चित सिरियल ‘सालातुत एलामात’ र फिल्म ‘आइका योन्का साइन’ मा अभिनय।
फिनल्यान्डकी लोकप्रिय अभिनेत्री ओल्गा तेमोनेनको ४७ वर्षको उमेरमा निधन भएको छ। सन् २०२३ को अन्त्यतिर ब्रेन ट्युमर देखिएको उनको उपचारकै क्रममा मृत्यु भएको हो।
तेमोनेनको निधनको खबर उनका परिवारका सदस्यहरूले अभिनेत्रीको इन्स्टाग्राम खातामार्फत सार्वजनिक गरेका हुन्। गत मे महिनामा ट्युमर पुनः बल्झिएपछि उनले क्यान्सरलाई जित्न नसकेको परिवारले जनाएको छ।
इन्स्टाग्राम पोस्टका अनुसार ओल्गाले आफ्ना प्रियजनहरूका माझ शान्तपूर्वक अन्तिम सास फेरिन्। उनले मृत्युको समयमा प्रेमपूर्ण वातावरण महसुस गरेको परिवारले उल्लेख गरेको छ।
फिनल्यान्डमा चर्चित टिभी सिरियल ‘सालातुत एलामात’ (Salatut Elämät) बाट ओल्गा चर्चामा आएकी थिइन्। उनले उक्त सिरियलमा सन् २००७ देखि २०१० सम्म र पछि २०१७ मा नोरा आउतिओको भूमिका निर्वाह गरेकी थिइन्।
उनले आफ्ना पति तथा निर्देशक तुक्का तेमोनेनले निर्देशन गरेका थुप्रै फिल्महरूमा पनि अभिनय गरेकी छन्। सन् २०२० मा प्रदर्शनमा आएको फिल्म ‘आइका योन्का साइन’ (Aika jonka sain) मा उनले पक्षघात भएकी घोडसवारको मुख्य भूमिका निभाएकी थिइन्।
उक्त फिल्मलाई सन् २०२१ को युस्सी गाला (Jussi-gaala) मा दर्शकहरूको सर्वाधिक रोजाइको फिल्म घोषित गरिएको थियो। ओल्गा र तुक्काको भेट Outolintu नामक सिरियलको सुटिङका क्रममा भएको थियो।
निर्देशक तुक्का तेमोनेनसँग उनको विवाह सन् २००८ मा भएको थियो। ओल्गा र तुक्काका तीन सन्तान र एक धर्मसन्तान छन्।
उनी फिनल्यान्डको उत्तरी कारेलियाको नुरमेसकी बासिन्दा थिइन्। पछि उनी आफ्नो परिवारसँग इत्तिमा रहेको एक फार्म हाउसमा बस्दै आएकी थिइन्।
उनको निधनको समाचारलाई फिनल्यान्डका प्रमुख संचारमाध्यमले निकै महत्वका साथ कभर गरिरहेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
