📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- अहिलेलाई केवल ‘कोल्ड स्टेसन’हरू मात्र बन्द हुने।
- मूल्य सूचीमा ३.८८८ देखियो भने इन्धन सकिएको संकेत।
- मूख्य कारणः अमेरिका र बेलायतले रूसी कम्पनी माथि लगाएको प्रतिबन्ध।
फिनल्यान्डमा संचालित रूसी इन्धन कम्पनी टेबोइलले आफ्ना ‘कोल्ड स्टेसन’ (कर्मचारी नहुने स्वचालित स्टेसन) हरू बन्द गर्ने तयारी गरेको छ। कम्पनीले इन्धनको मौज्दात सकिएपछि चरणबद्ध रूपमा यी स्टेसनहरू बन्द हुने जानकारी दिएको हो।
यदि स्टेसनको डिजिटल बोर्डमा इन्धनको मूल्य ३.८८८ युरो देखियो भने त्यो प्रकारको इन्धन सकिएको बुझ्नुपर्ने कम्पनीले जनाएको छ। यदि सबै प्रकारका इन्धनको मूल्य ३.८८८ देखाइएको छ भने, पूरै स्टेसन बन्द भएको मानिनेछ।
टेबोइलका मार्केटिङ तथा सञ्चार निर्देशक टोनी फ्लाइक्टले यो बन्द प्रक्रिया विशेष गरी ‘कोल्ड स्टेसन’हरूका लागि मात्र भएको स्पष्ट पारेका छन्।
उनले एसटीटी (STT) समाचार संस्थालाई बताए अनुसार व्यापारीहरूद्वारा सञ्चालित सेवा केन्द्रहरू भने अहिले तुरून्तै बन्द गरिने छैन।
उनका अनुसार व्यवसायीहरूसँग मिलेर कार वाश, खाना बिक्री र अन्य सेवाहरू जारी राख्ने प्रयास भइरहेको छ। टेबोइलको अघिल्लो सूचनामा ‘कोल्ड स्टेसन’ बारे छुट्टै उल्लेख नहुँदा केही भ्रम सिर्जना भएको थियो।
टेबोइलसँग हाल फिनल्यान्डमा २४३ ‘कोल्ड स्टेसन’, ७५ सेवा केन्द्र र २०७ भारी सवारीका लागि डिजेल पोइन्टहरू छन्। सबै स्टेसनहरूमा नगद कारोबार भने गत अक्टोबरमै बन्द भइसकेको थियो।
अमेरिका र बेलायतले टेबोइलको मालिक रूसी कम्पनी लुकोइलमाथि प्रतिबन्ध लगाएपछि कम्पनीको स्थिति नाजुक बनेको छ। अमेरिकाको लुकोइलमाथिको प्रतिबन्ध डिसेम्बर १३ देखि पूर्ण रूपमा लागू हुँदैछ।
कम्पनीका अनुसार व्यवसायीहरूसँग मिलेर कार वाश, खाना बिक्री र अन्य सेवाहरू जारी राख्ने प्रयास भइरहेको छ।
युक्रेन युद्ध र पश्चिमा देशहरूको प्रतिबन्धका कारण लुकोइलले फिनल्यान्डमा इन्धन आपूर्ति र भुक्तानी गर्न नसक्ने अवस्था सिर्जना भएको हो। त्यसैले इन्धन खरिद गर्न र पैसा पठाउन नसकिने हुँदा स्टेसनहरू खुला राख्न सम्भव नहुने विज्ञहरूले बताएका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
