📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- गोली प्रहारबाट एकको मृत्यु र अर्का एक घाइते।
- ठूलो आवाज र गुहार सुनेपछि छिमेकीले गरे प्रहरीलाई खबर।
- घटनामा संलग्न भएको आशंकामा प्रहरीद्वारा कैयौँ व्यक्ति पक्राउ।
हेलसिन्कीको कोनालामा रहेको एक अपार्टमेन्ट भवनमा मंगलबार बिहान गोली चल्दा एक जनाको मृत्यु भएको छ। घटनामा अर्का एक व्यक्ति घाइते भएका छन् भने प्रहरीले केही संदिग्धहरूलाई पक्राउ गरेको छ।
प्रहरीका अनुसार मंगलबार बिहान ५ बजेभन्दा अघि अपार्टमेन्टमा दुई पटक गोली चलेको थियो। उक्त घटनालाई प्रहरीले हत्या र हत्या प्रयासको अभियोगमा अनुसन्धान अघि बढाएको छ।
अपार्टमेन्टमा ठूलो आवाज आएपछि ब्युँझिएका एक छिमेकीले तुरुन्तै आपत्कालीन सेवा ११२ मा फोन गरेका थिए। उनले उक्त आवाज सुन्दा कोही गाडी लिएर ढोकामा ठोक्किए जस्तो लागेको हेलसिन्की सानोमातलाई बताएका छन्।
आवाज लगत्तै उनले ‘बचाउ-बचाउ’ भन्दै गुहार मागेको सुनेका थिए। प्रहरी घटनास्थलमा खबर पाएको केही मिनेटमै पुगेको थियो।
भवनको सिँढीबाट ठूलो तोडफोडको आवाज आएकाले प्रहरीले बल प्रयोग गरेर ढोका खोलेको अनुमान छिमेकीले गरेका छन्। प्रहरीले छोटो समयको पिछापछि घटनामा संलग्न भएको आशंकामा कैयौँलाई पक्राउ गरेको जनाएको छ।
उक्त अपार्टमेन्टमा ३१ वर्षीय एक पुरुष भाडामा बस्दै आएको जानकारी प्राप्त भएको भन्दै स्थानीय फिनिस भाषाका मिडियाले लेखेका छन्। ती व्यक्ति संगीतकर्मी रहेको जनाइएको छ।
उक्त अपार्टमेन्टमा ३१ वर्षीय एक पुरुष भाडामा बस्दै आएको जानकारी प्राप्त भएको भन्दै स्थानीय फिनिस भाषाका मिडियाले लेखेका छन्।
पहिल्यै देखि थियो अशान्ति
छिमेकीहरूले उक्त अपार्टमेन्टमा पहिलेदेखि नै अस्वाभाविक गतिविधि हुने गरेको हेलसिन्की सानोमातलाई दिएको प्रतिक्रियामा बताएका छन्। एक छिमेकीका अनुसार पहिले नै अपार्टमेन्टको ढोकाको फ्रेम भाँचिएको देखिएको थियो।
केही महिनाअघि उक्त कोठाको ढोका केही दिनसम्म खुला नै छाडिएको थियो। साथै गत साता मात्रै ढोका अगाडि धेरै फोहोरहरू छरिएको अवस्थामा भेटिएको थियो।
बुधबार बिहान अपार्टमेन्टको मुख्य ढोकामा प्रहरीले टेप लगाएर सिल गरेको र ढोका अगाडि देखिएका रगतका दागहरू सफा गरिएको स्थानीय मिडियाले लेखेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
