📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
• पूर्व सांसद आनो तुर्तियाइनेनले रुसबाट राजनीतिक शरण पाए।
• फिनल्यान्डको संसदलाई ३० हजार युरोभन्दा बढी अनुदान रकम तिर्न बाँकी।
• रुससँगको सीमा बन्द गर्ने र फिनल्यान्ड नाटोमा आबद्ध हुने कुराको गरेका थिए कडा विरोध।
फिनल्यान्डका पूर्व सांसद आनो तुर्तियाइनेनले आफूले रुसबाट राजनीतिक शरण प्राप्त गरेको दाबी गरेका छन्।
उनले सोमबार सार्वजनिक गरेको एक युट्युब भिडियोमार्फत यो जानकारी दिएका हुन्। उनले आफूलाई शरण दिने रुसको निर्णयलाई “ऐतिहासिक” भनेका छन्।
तुर्तियाइनेन सन् २०१९ देखि २०२३ सम्म फिनल्यान्डको संसद सदस्य थिए। उनी फिन्स पार्टीबाट संसदमा निर्वाचित भएका थिए।
पछि उनले VKK नामक नयाँ पार्टी खोलेका थिए। रुससँगको सीमा बन्द गर्ने र फिनल्यान्ड नाटोमा आबद्ध हुने विषयमा उनले कडा विरोध गर्दै आएका थिए।
फिनल्यान्डमा रहँदा उनी आप्रवासीका कट्टर आलोचक थिए। उनी विरुद्ध फिनल्यान्डमा “जातीय उत्तेजना फैलाएको” आरोपमा मुद्दा समेत चलिरहेको छ।
फिनल्यान्डको संसदले उनीसँग ३० हजार युरोभन्दा बढी रकम असुल गर्न बाँकी छ। यो रकम सन् २०२२ र २०२३ को संसदीय समूह अनुदानसँग सम्बन्धित छ।
तुर्तियाइनेनले यो रकम कसरी खर्च गरे भन्ने विवरण संसदलाई दिन सकेका छैनन्। संसदका प्रशासनिक निर्देशक पेर्ती राउहियोका अनुसार तुर्तियाइनेनबाट अहिलेसम्म कुनै रकम उठ्न सकेको छैन।
रुससँगको सीमा बन्द गर्ने र फिनल्यान्ड नाटोमा आबद्ध हुने विषयमा उनले कडा विरोध गर्दै आएका थिए।
रुस र युरोपेली युनियनबीचको तनावका कारण यो असुली प्रक्रिया थप जटिल बनेको छ।
तुर्तियानेन केही महिना अघि नै फिनल्यान्ड छाडेर रुस सरेका थिए। उनी हाल मस्कोमा बसोबास गरिरहेका छन् र रुसी नागरिकताका लागि पनि प्रयास गरिरहेको बताइएको छ।
हेर्नुहोस् भिडियोः
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
