📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- पेरिसमा ३० भन्दा बढी देशहरूको विशेष बैठक।
- युक्रेनको सुरक्षाका लागि वैदेशिक सेना परिचालनबारे छलफल।
- फिनल्यान्डका राष्ट्रपति अलेक्जेन्डर स्टब बैठकमा सहभागी।
युक्रेनमा जारी रूसी आक्रमण अन्त्य गर्ने र भविष्यका लागि सुरक्षा सुनिश्चित गर्ने उद्देश्यले आज पेरिसमा एक महत्त्वपूर्ण अन्तर्राष्ट्रिय सम्मेलन हुँदैछ।
फ्रान्स र बेलायतको नेतृत्वमा रहेको ‘इच्छुक गठबन्धन’ मा आबद्ध फिनल्यान्डसहित ३० भन्दा बढी देशहरू बैठकमा सहभागी भएका छन्।
फिनल्यान्डका राष्ट्रपति अलेक्जेन्डर स्टब पनि बैठकमा सहभागी हुन पेरिस पुगेका छन्।
बैठकले युक्रेनमा युद्धविराम र दीर्घकालीन शान्तिको खाका कोर्ने अपेक्षा गरिएको छ।
बैठकमा अमेरिकाको नेतृत्वमा तयार पारिएको शान्ति योजनाको मस्यौदामाथि छलफल हुने जनाइएको छ।
अमेरिकी राष्ट्रपति डोनाल्ड ट्रम्पका प्रतिनिधिहरू स्टिभ विट्कोफ र जेरेड कुश्नरले वार्तामा अमेरिकाको प्रतिनिधित्व गरिरहेका छन्।
फिनल्यान्डले युक्रेनको सुरक्षा प्रबन्धमा सहयोग गर्ने भए पनि सानो देश भएकाले पूर्ण ‘सुरक्षा ग्यारेन्टी’ भने दिन नसक्ने प्रधानमन्त्री पेत्तेरी ओर्पोले पहिले नै स्पष्ट पारेका छन्।
जेलेन्स्कीको मागः विदेशी सेनाको भौतिक उपस्थिति
युक्रेनी राष्ट्रपति भोलोदिमिर जेलेन्स्कीले सुरक्षा ग्यारेन्टीमा विदेशी सेनाको भौतिक उपस्थिति हुनुपर्ने माग गरेका छन्। उनले फ्रान्स र बेलायत जस्ता देशहरूले युक्रेनी भूमिमा सेना खटाउनु आवश्यक रहेको बताएका छन्।
रुसले भने युक्रेनमा पश्चिमा सेनाको उपस्थितिलाई पूर्ण रूपमा अस्वीकार गर्दै आएको छ। उसले अहिलेको शान्ति योजनालाई स्वीकार गर्ने कुनै संकेत देखाएको छैन।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
