📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- हेलसिन्कीको काल्लियो क्षेत्रमा बर्ड फ्लु पुष्टि।
- मानिसमा संक्रमणको जोखिम न्यून।
- मरेका वा बिरामी चराबाट टाढै रहन सुझाव।
हेलसिन्कीको काल्लियो क्षेत्रमा रहेका केही जलचर चराहरूमा बर्ड फ्लु अर्थात् H5N1 संक्रमण पुष्टि भएको छ।
हेलसिन्की नगरपालिकाका अधिकारीहरूले स्थानीय बासिन्दा र विशेषगरी घरपालुवा जनावर पाल्नेहरूलाई सतर्क रहन आग्रह गरेका छन्।
जनवरी महिनामा काल्लियो क्षेत्रमा धेरै बिरामी चराहरू फेला परेका हुन्। एउटा राजहंस र तीनवटा क्यानाडाली हाँसहरूमा यो भाइरस फेला परेको हेलसिन्की नगरपालिकाले जनाएको छ।
बिरामी राजहंसलाई उपचारका लागि चिडियाखानामा रहेको वन्यजन्तु अस्पताल लगिएको थियो। केही मरेका चराहरू हेलसिन्कीको चिडियाखाना बाहिरको क्षेत्रमा पनि भेटिएका हुन्।
H5N1 भाइरसले जंगली चरा र कुखुराजन्य पन्छीहरूमा उच्च मृत्युदर गराउने गर्दछ।
मानिसका लागि संक्रमणको जोखिम भने कम रहेको अधिकारीहरूको भनाइ छ।
मानिसका लागि संक्रमणको जोखिम भने कम रहेको अधिकारीहरूको भनाइ छ। फिनल्यान्डमा हालसम्म यो भाइरस मानिसमा सरेको रेकर्ड छैन।
संक्रमण सर्नका लागि बिरामी चरा वा तिनको दिसा-सुलीसँग प्रत्यक्ष सम्पर्क हुनुपर्ने हुन्छ। राम्ररी पकाएको मासु वा अण्डा खाँदा भने यो भाइरस सर्ने डर हुँदैन।
घरपालुवा कुकुर र बिरालाहरूमा यो भाइरस सर्नु निकै दुर्लभ मानिन्छ। तैपनि चराका सुली धेरै भएका ठाउँमा कुकुर नडोर्याउन र मरेका चराबाट टाढै राख्न सुझाव दिइएको छ।
हेलसिन्की नगरपालिकाले चराहरूलाई जाडोको आहार खुवाउने काम जारी राख्नेछ। यसले चराहरूलाई अन्य क्षेत्रमा जानबाट रोक्न र रोग फैलिन नदिन मद्दत गर्ने विश्वास छ।
यदि कसैले एकै ठाउँमा ५ वटा भन्दा धेरै जलचर चरा वा १० वटा अन्य चरा मरेको देखेमा तुरुन्त शहरका पशु चिकित्सकलाई खबर गर्नुपर्ने छ।
फिनल्यान्डमा प्रायः जाडो महिना र बसाइँसराइको समयमा चराहरूमा यस्तो समस्या देखिने गर्छ। चराको सुली वा मरेको चरा छोएमा तुरुन्त साबुन पानीले राम्ररी हात धुन स्वास्थ्यकर्मीहरू सल्लाह दिन्छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
