📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- पसलभित्र छुरा प्रहार हुँदा एक जना घाइते।
- करिब ४० वर्षीय शंकास्पद पुरुष पक्राउ।
- हत्या प्रयासको रूपमा घटनाको अनुसन्धान हुँदै।
फिनल्यान्डको राजधानी हेलसिन्कीस्थित ताका-तोलो क्षेत्रमा सोमबार दिउँसो एक हिंसात्मक घटना घटेको छ। Mannerheimintie 49 मा रहेको एक व्यापारिक भवनभित्र छुरा प्रहार हुँदा एक व्यक्ति घाइते भएका छन्।
प्रहरीका अनुसार त्यहाँ एक व्यक्तिमाथि छुरा प्रहार भएको थियो। घाइतेलाई तत्कालै अस्पताल लगिएको थियो।
प्रहरीले घटनाको जानकारी पाउनासाथ तुरुन्तै खोजी कार्य अघि बढाएको थियो। आक्रमण भएको स्थानबाट केही किलोमिटर परबाट एक शंकास्पद व्यक्तिलाई पक्रेको प्रहरीले जनाएको छ।
पक्राउ पर्ने व्यक्ति करिब ४० वर्षका पुरुष हुन्। प्रहरीले यो घटनालाई प्रारम्भिक रूपमा हत्या प्रयासको आशंका गर्दै आफ्नो अनुसन्धान जारी राखेको जनाएको छ।
फिनिस भाषाका स्थानीय पत्रिकाहरूले घटनास्थल भन्दै प्रकाशन गरेको फोटोमा मोबाइल, ल्यापटप आदि मर्मत गर्ने पसल रहेको देखिन्छ।
Mannerheimintie हेलसिन्कीको सबैभन्दा लामो र व्यस्त मुख्य सडक हो। त्यहाँ धेरै पसल, कार्यालय, व्यापारिक केन्द्रहरू, र नेपाली रेस्टुरेन्टहरू समेत रहेका छन्।
सामान्यतया सुरक्षित र शान्त मानिने फिनल्यान्डमा दिनदहाडै व्यापारिक स्थलभित्र यस्ता हिंसात्मक घटना विरलै हुने गर्छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
