📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- कुलोसारी पुल नजिकै डुबेर एक वयस्कको मृत्यु।
- उद्धार टोलीले छिट्टै निकाले पनि बचाउन सकेनन्।
- जाडोयाममा असुरक्षित बरफमा नहिँड्न सुरक्षा निकायको चेतावनी।
हेलसिन्कीको कुलोसारीमा मंगलबार दिउँसो समुन्द्रको बरफमुनि पुरिएर एक वयस्क व्यक्तिको मृत्यु भएको छ। फिनल्यान्डको समुद्री तट रक्षकका अनुसार घटना दिउँसो तीन बजेपछि कुलोसारी पुइस्तोतिय नजिकै भएको हो।
पुलको आसपासमा कोही व्यक्ति पानीमा खसेको खबर पाएपछि उद्धार टोली तुरुन्तै घटनास्थल पुगेको थियो। हेलसिन्की उद्धार विभागका गोताखोरले ती व्यक्तिलाई पानीबाट निकै छिटो बाहिर निकालेका थिए।
घटनास्थलमा प्राथमिक उपचार प्रयास गरिए पनि ती व्यक्तिको ज्यान जोगाउन सकिएन। प्रहरी र उद्धार टोलीले मृतकको परिचय र घटनाको थप विवरण संकलन गरिरहेका छन्।
फिनल्यान्डमा हिउँदको समयमा समुद्र र तालको पानी जमेको देखिए पनि सबै ठाउँमा बरफ बलियो हुँदैन। विशेष गरी पुल मुनि वा पानीको बहाव हुने ठाउँमा बरफ पातलो हुने भएकाले त्यहाँ हिँड्नु अत्यन्तै जोखिमपूर्ण मानिन्छ।
फिनल्यान्डमा हिउँदको अन्त्यतिर वा तापक्रम घटबढ भइरहँदा बरफ पग्लिन सुरु गर्छ। यस्तो बेला बरफको मोटाइ र शक्ति जाँच्न कठिन हुने भएकाले स्थानीय प्रशासनले जमेको पानीमाथि नजान सल्लाह दिने गर्छ।
फिनल्यान्डमा हरेक वर्ष बरफमा चिप्लिएर वा बरफ फुटेर पानीमा डुब्दा धेरैले ज्यान गुमाउने गरेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
