संक्षेपमा
- बेरोजगारको कुल संख्या ३ लाख १५ हजार पुग्यो।
- अघिल्लो वर्षको तुलनामा रोजगारीमा २२ हजारले कमी।
- महिलाको तुलनामा पुरुषहरूमा बेरोजगारी दर उच्च।
फिनल्यान्डमा बेरोजगारीको समस्या थप बल्झिएको पछिल्लो सरकारी तथ्यांकले देखाएको छ।
फिनल्यान्डको तथ्यांक विभागको श्रम शक्ति सर्वेक्षण अनुसार मार्च महिनामा बेरोजगारी दरमा थप वृद्धि देखिएको हो।
मार्च महिनामा १५ देखि ७४ वर्ष उमेर समूहका ३ लाख १५ हजार व्यक्ति बेरोजगार रहेका छन्। यो संख्या सन् २०२५ को मार्च महिनाको तुलनामा ३० हजारले बढी हो।
रोजगारीमा रहेका व्यक्तिको संख्या घटेर २५ लाख २४ हजारमा झरेको छ। अघिल्लो वर्षको तुलनामा यो २२ हजारको गिरावट हो।
बेरोजगारीको असर महिलाको तुलनामा पुरुषमा बढी देखिएको छ। तथ्यांक अनुसार १ लाख ६९ हजार पुरुष र १ लाख ४६ हजार महिला बेरोजगार छन्।
मार्च महिनामा बेरोजगारी दर १०.४ प्रतिशत कायम भएको छ। यो अघिल्लो वर्षको अन्त्यमा रहेको १०.७ प्रतिशत भन्दा केही कम भए पनि समग्र अवस्था चुनौतीपूर्ण देखिन्छ।
वर्षको सुरुवाती महिनाहरूमा केही सुधारका संकेत देखिए पनि मार्चमा अवस्था फेरि बिग्रिएको हो।
वर्षको सुरुवाती महिनाहरूमा केही सुधारका संकेत देखिए पनि मार्चमा अवस्था फेरि बिग्रिएको हो। यसले फिनल्यान्डको श्रम बजारमा अझै अनिश्चितता रहेको पुष्टि गर्छ।
फिनल्यान्डको अर्थतन्त्र हाल विभिन्न विश्वव्यापी र आन्तरिक कारणले सुस्त गतिमा चलिरहेको छ। विशेषगरी निर्माण क्षेत्र र सेवा क्षेत्रमा आएको मन्दीले गर्दा नयाँ रोजगारीका अवसरहरू सिर्जना हुन सकेका छैनन्।
फिनल्यान्डमा रहेका नेपाली लगायतका आप्रवासी समुदायका लागि पनि यो तथ्यांकले श्रम बजारमा बढ्दो प्रतिस्पर्धा र चुनौतीलाई संकेत गर्छ।
सरकारले बेरोजगारी घटाउन विभिन्न उपायहरू अपनाउने बताए पनि अर्थतन्त्र पूर्ण रूपमा लयमा फर्कन अझै केही समय लाग्ने अनुमान गरिएको छ।
