📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डको भान्ता शहरको नगर परिषद् र भान्ता र केराभा कल्याणकारी क्षेत्रको निर्वाचनमा विजयी नेपाली मूलका शेखर आचार्यले आफ्नो चुनावी अभियानको सम्पूर्ण आय-व्ययको हिसाब सार्वजनिक गरेका छन्। उनले आफ्नो व्यक्तिगत वेबसाइट मार्फत यो जानकारी पारदर्शी रूपमा प्रस्तुत गरेका हुन्।
आचार्यले आफ्नो वेबसाइटमा उल्लेख गरे अनुसार उनको चुनावी अभियानका लागि कुल १,७५५ यूरो सहयोग प्राप्त भएको थियो। विभिन्न साथीभाइ र शुभचिन्तकहरूले उनलाई आर्थिक सहयोग प्रदान गरेका थिए। उनको पार्टीले पनि उनलाई ४०० युरो सहयोग उपलब्ध गराएको थियो।
सहयोग गर्ने सबैको नाम आचार्यले आफ्नो वेभसाइटमा राखेका छन्। रिपोर्टमा आचार्यको कुल चुनावी खर्च २,१६८.२९ यूरो देखिन्छ। चुनावी अभियानमा उनले ४१३ युरो व्यक्तिगत लगानी गरेको लेखेका छन्।
“मेरो अभियानमा सहयोग गर्ने सम्पूर्ण अग्रज, साथीभाइ र शुभचिन्तकहरूप्रति हार्दिक आभार व्यक्त गर्न चाहन्छु,” आचार्यले चुनावी खर्च सार्वजनिक गर्दै भनेका छन्।
आचार्यको धेरै खर्च भने निर्वाचन जितेपछिको विजय सभामा भएको देखिन्छ। त्यहाँ उनको करिब ३७५ युरो खर्च भएको थियो। उक्त कार्यक्रममा करिब ३२५ युरोको समोसा र चिया खुवाईएको थियो जुन विष्णु शर्मा नाम गरेका उनका शुभचिन्तकले स्पोन्सर गरेका थिए। निर्वाचन अवधिभर आचार्यले करिब ६ सय युरो समोसामा खर्च गरेको देखिन्छ।
फेसबुक मार्केटिङ्गमा आचार्यले ३०९ युरो खर्चेका थिए। चुनावी वेबसाइटमा ९० युरो खर्चेका उनले चुनावी यात्राका दौरान सार्वजनिक यातायात (HSL टिकेट) मा ७० युरो खर्च गरेको विवरण उल्लेख गरेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
