📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- मोटोपनको जाँच गरिएका एक तिहाइभन्दा बढी बालबालिकामा ‘प्रि-डाइबिटिज’को लक्षण भेटियो।
- सन् २००२ देखि २०१९ को बीचमा यो समस्या १० प्रतिशतबाट बढेर ५० प्रतिशत पुग्यो।
- समयमै जीवनशैली सुधार नगरे यो अवस्था टाइप-२ मधुमेहमा परिणत हुनसक्ने।
फिनल्यान्डमा मोटोपनको समस्या भएका बालबालिकाहरूमा ‘प्रि-डाइबिटिज’ अर्थात् रगतमा चिनीको मात्रा सामान्यभन्दा बढी हुने अवस्था चिन्ताजनक रूपमा बढेको पाइएको छ।
विशेष गरी तौल बढी भएका किशोरकिशोरीहरूमा यो स्वास्थ्य जोखिम तीव्र गतिमा फैलिरहेको पाइएको हो।
ताम्पेरे विश्वविद्यालय र पूर्वी फिनल्यान्ड विश्वविद्यालयले संयुक्त रूपमा गरेको अनुसन्धानमा मोटोपनको समस्या भएर जाँच गरिएका बालबालिकामध्ये एक तिहाइभन्दा बढीमा प्रि-डाइबिटिज देखिएको हो।
प्रि-डाइबिटिज भनेको रगतमा सुगरको मात्रा बढ्नु हो, तर यो मधुमेह (डाइबिटिज) नै भइसकेको अवस्था भने होइन।
यद्यपि यसको समयमै उपचार वा खानपानमा सुधार गरिएन भने यसले पछि गएर टाइप-२ मधुमेहको रूप लिन सक्छ।
अध्ययनको नतिजा अनुसार मोटोपनको जाँच गरिएका करिब १ प्रतिशत बालबालिकामा भने अहिले नै वयस्कहरूमा देखिने किसिमको मधुमेह (टाइप-२) को लक्षण देखिएको छ।
अनुसन्धानकर्ताहरूले सन् २००२ देखि २०२० को बीचमा मोटोपन वा बढी तौल भएका ६ देखि १६ वर्ष उमेर समूहका करिब ६०० बालबालिकाको तथ्याङ्क विश्लेषण गरेका थिए।
तुलनाका लागि सामान्य जनसङ्ख्याको प्रतिनिधित्व गर्ने ७ देखि १६ वर्षका करिब ५०० बालबालिकाको अर्को समूह (कन्ट्रोल ग्रुप) पनि अध्ययनमा समेटिएको थियो।
प्रि-डाइबिटिज भनेको रगतमा सुगरको मात्रा बढ्नु हो, तर यो मधुमेह (डाइबिटिज) नै भइसकेको अवस्था भने होइन।
अध्ययनको सुरुवाती चरणमा मोटोपन भएका बालबालिकामध्ये करिब १० प्रतिशतमा मात्र प्रि-डाइबिटिज थियो। तर सन् २०१९ सम्म आइपुग्दा यो सङ्ख्या पाँच गुणाले बढेर ५० प्रतिशत पुगेको अनुसन्धानले देखाएको छ।
फिनल्यान्डमा बस्ने नेपाली अभिभावकहरूका लागि यो खबर सचेत गराउने खालको छ। यहाँको मौसम र जीवनशैलीका कारण बालबालिकाको शारीरिक सक्रियता कम हुनसक्ने हुँदा उनीहरूको तौल र खानपानमा विशेष ध्यान दिनु आवश्यक देखिएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
