📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- भान्ताको कोर्सो स्टेशनमा एक युवाको रेल दुर्घटनामा मृत्यु।
- घटनास्थलमा रहेका अन्य युवाले शवको भिडियो बनाई अनलाइनमा सेयर गरे।
- प्रहरीले अभिभावकहरूलाई आफ्ना बच्चाहरूसँग यसबारे छलफल गर्न गर्यो आग्रह।
भान्तास्थित कोर्सो स्टेशनमा बिहीबार एक युवाको रेलले किचेर दुःखद मृत्यु भएको छ।
घटनास्थलमा उपस्थित अन्य युवाहरूको एक समूहले मृतकको शवको भिडियो खिचेर सामाजिक सञ्जालमा फैलाएपछि प्रहरीले उक्त कार्यलाई “अत्यन्त निन्दनीय” भनेको छ।
पूर्वी उसिमा प्रहरीका अनुसार सामाजिक सञ्जालमा उक्त घटनाका भिडियोहरू फैलिसकेको र अन्य युवाहरूले हेरिसकेका छन्।
प्रहरीले मृतक र भिडियो खिच्ने युवाहरूबीच कुनै चिनजान नरहेको र उनीहरु संयोगले मात्र घटनास्थलमा रहेको बताएको छ।
प्रहरीले किशोरको मृत्युको घटनालाई अपराधको रूपमा नहेरी मृत्युको कारणबारे अनुसन्धान गरिरहेको जनाएको छ।
प्रहरीले सबै अभिभावकहरूलाई आफ्ना बालबालिकासँग यस्ता घटनाहरूको भिडियो खिच्नु र सेयर गर्नु किन गलत हो भनेर छलफल गर्न विशेष आग्रह गरेको छ।
“यस्तो दर्दनाक घटनाको भिडियो बनाउनु र फैलाउनु कुनै पनि हिसाबले उपयुक्त हुँदैन,” प्रहरीले भनेको छ।
“यस्तो दर्दनाक घटनाको भिडियो बनाउनु र फैलाउनु कुनै पनि हिसाबले उपयुक्त हुँदैन,” प्रहरीले भनेको छ।
यस्ता कार्यले पीडितको परिवारको दुःख बढाउने र उनीहरूको मर्यादामा चोट पुर्याउने प्रहरीको भनाइ छ।
प्रहरीले फेसबुकमार्फत पनि यो सन्देश प्रवाह गर्दै घटनास्थलमा भिडियो खिच्दा उद्धारकर्मीको काममा समेत बाधा पुग्नसक्ने र स्वयं खिच्ने व्यक्तिलाई पनि खतरा हुन सक्ने चेतावनी दिएको छ।
यदि कुनै बालबालिका वा युवाले यो भिडियो देखेर मानसिक तनाव महसुस गरेका छन् भने उनीहरूका लागि सहयोग उपलब्ध छ।
प्रहरीले भान्ता र केराभा कल्याण क्षेत्रको सामाजिक तथा संकटकालीन सेवाको नम्बर ०९-४१९१ ५८०० वा बालबालिकाको विद्यालयमा सम्पर्क गर्न अनुरोध गरेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
