📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- आगलागीमा दुई नाबालक सहित पाँच जनाको ज्यान गएको पुष्टि।
- घटनामा आपराधिक संलग्नताको आशंकामा एक पक्राउ।
- भवनबाट ५७ जनालाई सुरक्षित स्थानमा सारियो।
पछिल्लो अपडेटः प्रहरीले पत्रकार सम्मेलनमा दिएको जानकारीका अनुसार अभियुक्त आफै प्रहरीकोमा आएर घटना आफुले गराएको बताएका थिए। प्रहरीका अनुसार उनी ७० वर्षीय स्थानीय फिनिस नागरिक हुन्।
भान्ताको पाहकिनारिन्नेमा भएको एउटा भीषण आगलागीमा परी एकै परिवारका पाँच जनाको मृत्यु भएको छ।
स्थानीय मिडियाका अनुसार मृतकहरूमा सोमाली मूलका हुन्।
इता-उसिमा प्रहरीले बिहान ५:४१ बजे आगलागीको सूचना पाएको थियो। घटनामा ज्यान गुमाउनेहरूमा दुई जना बालबालिका समेत रहेका छन्।
भान्ताका सहायक मेयरलाई उद्धृत गर्दै YLE ले लेखे अनुसार मारिने बालबालिकामध्ये एक स्कुल जाने उमेरका र अर्का डे-केयर जाने उमेरका हुन्।
६ सदस्यीय उक्त परिवारमा एक शिशु भने जीवितै रहेको र अस्पतालमा उपचार भइरहेको इल्तालेहतीले लेखेको छ।
आगलागीपछि सो भवनबाट ५७ जनालाई सुरक्षित रूपमा बाहिर निकालिएको थियो।
प्रहरीले यस घटनालाई नियोजित रूपमा लगाइएको आगलागी मानेर अनुसन्धान सुरु गरेको छ। यसै सिलसिलामा एक जना संदिग्ध व्यक्तिलाई पक्राउ समेत गरिएको छ।
घटनास्थलमा रहेका सञ्चारकर्मीहरूका अनुसार भवनको दोस्रो तलामा सबैभन्दा बढी क्षति पुगेको छ। आगोले दोस्रो तला पूर्ण रूपमा नष्ट भएको छ भने माथिल्ला तलाहरूमा पनि ठूलो क्षति पुगेको छ।
अहिले घटनास्थललाई प्रहरीले घेरा हालेर सर्वसाधारणका लागि बन्द गरेको छ। दुर्घटना अनुसन्धान केन्द्र (ओत्केस) ले पनि आगलागीको कारणबारे विस्तृत छानबिन थालेको छ।
फिनल्यान्डमा यति ठूलो मानवीय क्षति हुने गरी आवासीय भवनमा आगलागी हुनुलाई निकै गम्भीर र असामान्य घटनाका रूपमा लिइएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
