📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- हेलसिन्कीको तोलोमा एक १६ वर्षीय किशोरमाथि गोली प्रहार।
- पीडितलाई शरीरका विभिन्न भागमा धेरै गोली लागे पनि उनी खतरामुक्त।
- प्रहरीद्धारा गोली चलाउने व्यक्तिको खोजी तीव्र पारिएको जानाकारी।
हेलसिन्कीमा सोमबार साँझ भएको गोलीकाण्डमा एक १६ वर्षीय किशोर घाइते भएका छन्। हेलसिन्की प्रहरीका अनुसार तोलो स्थित मिसेलिन-कातुको एक आवासीय भवनको भर्याङमा उक्त घटना भएको हो।
प्रहरी अनुसन्धानका प्रमुख डिटेक्टिभ सुपरिटेन्डेन्ट तुओमस लिन्डहोमले पीडितलाई शरीरका विभिन्न भागमा धेरै गोली लागेको तर उनको अवस्था खतरामुक्त रहेको फिनिस भाषाको पत्रिका हेलसिन्गिन सानोमातलाई बताएका छन्।
घटनास्थल आवासीय भवनको भित्री सिँढी भएको बताइएको छ। गोलीका केही छर्राहरू भित्ता र एउटा अपार्टमेन्टको ढोकामा समेत लागेका थिए। एउटा गोली ढोका छेडेर भित्र अपार्टमेन्टसम्म पुगेको थियो, जहाँ पीडित किशोर थिए।
प्रहरीले घटनास्थलबाट हतियार फेला पारेको छैन। प्रहरीको प्रारम्भिक अनुसन्धानले ‘ह्यान्डगन’ प्रयोग भएको हुनसक्ने देखाएको छ। घटनापछि प्रहरीले घटनास्थलमा रहेका धेरै युवाहरूसँग सोधपुछ गरेको थियो।
गोली चलाउने व्यक्ति अझै फरार छन् र प्रहरीले उनको खोजी कार्य तीव्र पारेको छ।
लिन्डहोमका अनुसार ती युवाहरूलाई घटनामा संलग्नता नदेखिएपछि छोडिएको र हालसम्म कसैलाई पनि पक्राउ गरिएको छैन। गोली चलाउने व्यक्ति अझै फरार छन् र प्रहरीले उनको खोजी कार्य तीव्र पारेको छ।
प्रहरीले घटनालाई हत्या प्रयास र बन्दुकसम्बन्धी अपराधको रूपमा अनुसन्धान अघि बढाएको छ।
घटनाको उद्देश्य के थियो भन्नेबारे प्रहरीले अहिले केही खुलाएको छैन, तर प्राविधिक तथा रणनीतिक अनुसन्धान र प्रत्यक्षदर्शीहरूसँगको सोधपुछ जारी रहेको जनाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
