📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डको एस्पोमा एक व्यक्ति आफ्नै कुकुरलाई डुबाउन खोजेको र त्यसमा अवरोध गर्नेहरूलाई धम्की दिएको आरोपमा पक्राउ परेका छन्।
पश्चिमी उसिमा प्रहरीले लाउरिनलाहती समुद्री तटमा भएको सो घटनालाई गम्भीर जनावर संरक्षण अपराध र गैरकानुनी धम्कीको रूपमा अनुसन्धान गरिरहेको जनाएको छ।
प्रहरीको प्रारम्भिक जानकारी अनुसार गत बिहीबार साँझ करिब ६ बजे केही व्यक्तिहरूले एक पुरुषले आफ्नो कुकुरलाई पिटिरहेको र त्यसपछि पानीमा डुबाउन खोजेको देखेका थिए। ती प्रत्यक्षदर्शीहरूले स्थितिलाई नियन्त्रणमा लिन खोज्दा संदिग्ध व्यक्तिले उनीहरूलाई मौखिक रूपमा धम्की दिएका थिए।
उनले आफ्नो कुकुरलाई उनीहरूविरुद्ध नै छाडिदिने चेतावनी समेत दिएको बताइएको छ।
सूचना पाएलगत्तै प्रहरी घटनास्थलमा पुगेर ती व्यक्तिलाई पक्राउ गरेको थियो। उनीमाथि जनावर संरक्षणसम्बन्धी अपराध र गैरकानुनी धम्की दिएको अभियोग लगाइएको छ।
अधिकारीहरूले कुकुरलाई आफ्नो संरक्षणमा लिएका छन् र त्यसको अवस्था सुरक्षित रहेको जनाएका छन्।
प्रहरीले घटनाका धेरै प्रत्यक्षदर्शीहरूसँग सोधपुछ गरिसकेको छ। प्रारम्भिक अनुसन्धानबाट घटनामा एक माझी पनि संलग्न हुन सक्ने देखिएको छ। उनलाई पनि संदिग्ध व्यक्तिले धम्की दिएको वा हानि पुर्याउन खोजेको हुन सक्ने प्रहरीको अनुमान छ।
प्रहरीले ती माझीलाई थप जानकारीका लागि प्रहरी चौकीमा सम्पर्क गर्न अनुरोध गरेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
