📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- सालोको मार्युनुम्मी तटमा पानीमा डुबेर एक पुरुषको मृत्यु।
- विदेशी मूलका मृतक, बच्चासँग खेल्दै गर्दा दुर्घटना।
- सीपीआर (CPR) प्रयासका बाबजुद घटनास्थलमै ज्यान गएको पुष्टि।
फिनल्यान्डको सालोस्थित मार्युनुम्मी पौडी खेल्ने तटमा आइतबार दिउँसो एक दर्दनाक घटना घटेको छ। बच्चासँग पानीमा खेल्दै गरेका विदेशी मूलका एक वयस्क पुरुषको पानीमा डुबेर मृत्यु भएको हो।
दक्षिण-पश्चिम फिनल्यान्ड प्रहरीका अनुसार ती पुरुष बच्चासँग पानीमा रमाइलो गरिरहेका थिए। तर अचानक उनी पानीमुनि डुब्न पुगेका थिए।
वरपर रहेका मानिसहरूले उनी पानीमा डुबेको देखेका थिए। त्यसपछि त्यहाँ रहेका एक स्वयंसेवक अग्नि नियन्त्रकले उनलाई पानीबाट बाहिर निकालेका थिए।
उद्धारपछि उनलाई बचाउन सीपीआर (CPR) लगायतका प्राथमिक उपचार दिइएको थियो। तर प्रयासका बाबजुद घटनास्थलमै उनको मृत्यु भएको प्रहरीले जनाएको छ।
प्रहरीका अनुसार घटनास्थलमा पानीको गहिराइ करिब दुई मिटर मात्र थियो। आइतबार दिउँसो २:१० बजे सालोको हिरभेन्तिएमा प्रहरी र उद्धार टोलीलाई खबर गरिएको थियो।
मृतकको परिवारलाई अहिले मानसिक स्वास्थ्य सहयोग (क्राइसिस हेल्प) उपलब्ध गराइएको छ। साथै उद्धारमा सहयोग गर्ने युवाहरूलाई पनि यस्तो सहयोग प्रदान गरिएको छ।
फिनल्यान्डमा हजारौं तालहरू रहेका छन् र गर्मीयाममा पौडी खेल्नु यहाँको प्रमुख मनोरञ्जन हो। तर हरेक वर्ष गर्मी मौसम सुरु भएसँगै ताल र समुद्र तटहरूमा डुबेर ज्यान गुमाउने घटनाहरू पनि बढ्ने गर्छन्।
विशेषगरी बालबालिका वा पौडी खेल्न नजान्नेहरू पानीमा जाँदा विशेष सतर्कता अपनाउनु पर्ने हुन्छ। फिनल्यान्डको उद्धार सेवाले सधैं आफ्नो क्षमता अनुसार मात्र गहिरो पानीमा जान र बच्चाहरूलाई पानीको नजिक एक्लै नछाड्न सुझाव दिँदै आएको छ।
आप्रवासी समुदायका लागि स्थानीय पानीको तापक्रम र गहिराइको सही अन्दाज नहुँदा यस्ता जोखिमहरू अझ बढी हुने गरेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
