📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- गत महिनाहरुमा फिनएयरका करिब १,००० उडान रद्द।
- ब्यागेज ह्यान्डलिङ र ग्राउन्ड सर्भिसमा नयाँ हड्तालको प्रभाव हुने।
- रोजगारीका सर्त र काम गर्ने अवस्था बारेको विवाद कायमै।
फिनिश एभिएसन युनियनले जुलाई महिनामा थप हडताल गर्ने घोषणा गरेको छ। हडतालका कारण फिनएयरका उडानहरू जुलाई महिनामा पनि अवरूद्ध हुने भएका छन्। राष्ट्रिय मध्यस्थकर्ता कार्यालयका अनुसार युनियन र रोजगारदाता समूह पाल्टाबीच भएको वार्ता सहमतिमा पुग्न सकेको छैन।
एभिएसन युनियनले आगामी हप्ता बुधवार र शुक्रवार, र जुलाई ७ तारिखका लागि काम रोक्ने घोषणा गरेको छ। यसैगरी जुलाई १६, १८, २१ र २३ तारिखमा पनि थप हडताल हुने जनाइएको छ। यी हडतालले मुख्यतया हेलसिन्की विमानस्थलमा सञ्चालन हुने सामान ह्यान्डलिङ र ग्राउन्ड सेवाहरूमा असर पार्नेछ।
विगतका हडतालका कारण फिनएयरले पछिल्ला केही महिनामा करिब १००० उडानहरू रद्द गर्नु परेको थियो। एयरलाइन्सले थपिएका हडतालका कारण अझै बढी उडान रद्द हुन सक्ने र ढिलाइ हुन सक्ने चेतावनी दिएको छ।
फिनल्यान्डको हवाई यातायात क्षेत्रमा देखिएको यो संकटले यात्रुहरूको यात्रा योजनामा मात्र होइन, देशको अर्थतन्त्रमा समेत गम्भीर असर पार्न सक्छ।
विवादको मूल विषय रोजगारीका सर्तहरू र काम गर्ने अवस्थाहरू रहेका छन्। चलिरहेको वार्ताको विस्तृत विवरण युनियन र पाल्टा दुवै पक्षले सार्वजनिक गरेका छैनन्। वार्ता सप्ताहन्तसम्म जारी रहने अपेक्षा गरिएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
