प्रिय पाठक,
डायस्पोरा मिडियामा एउटा फरक प्रयोगको रुपमा सुरुभएको नेपालीलाइनेनले आज पहिलो वर्ष पुरा गरि दोस्रो वर्षमा प्रवेश गरेको छ।
स्थापना कालदेखि नै नेपालीलाइनेनलाई माया गर्ने, साथ दिने, सहयोग गर्ने, र आलोचनात्मक सुझाव दिने सम्पूर्ण पाठक वृन्द, शुभेच्छुक, साझेदारहरूप्रति धेरै धन्यवाद।
विशेष गरि नेपालीलाइनेनको सहयोगी सदस्य बनेर यसको विकासमा टेवा पुर्याउने सहयोगी मनहरुमा भित्रै देखि नमन।
स्थापनाको पहिलो वर्षमा स्वाभाविक रूपमा केही चुनौतीहरू रहे। तर त्यो भन्दा पनि धेरै सकारात्मक र अविस्मरणीय अनुभवहरू प्राप्त भए।
नेपालीलाइनेनको सुरुवात सही सुचना, सचेतना, र आप्रवासीका अधिकारजस्ता विषयमा केन्द्रित रहेर गरिएको हो। हाम्रो यो यात्रा जारी रहने छ।
आगामी दिनमा अझ बढी परिष्कृत भएर आउने छौँ। अझै गहन खोज पत्रकारिता, पडकास्ट, र टिम विस्तारका योजनाहरूलाई पूर्णता दिनु हाम्रो दोस्रो वर्षको मुख्य लक्ष्य हुनेछ।
अन्त्यमा सम्पूर्णमा नयाँ वर्ष २०८३ को हार्दिक मंगलमय शुभकामना!
