📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- घोडालाई अर्को साथी अनिवार्य।
- गधाका लागि गधै चाहिने।
- नयाँ नियम जनवरी १ देखि लागू।
फिनल्यान्डमा घोडाहरूको मानसिक र सामाजिक स्वास्थ्य सुधार गर्न नयाँ कानुन ल्याइएको छ। सन् २०२६ को जनवरी १ देखि कुनै पनि घोडालाई तबेलामा एक्लै राख्न नपाइने नियम बनाइएको हो।
नयाँ नियमअनुसार घोडाले अर्को घोडालाई देख्न, सुन्न र दैनिक रूपमा नाकले छुन पाउनु पर्नेछ। यसका लागि स्थायी रूपमा अर्को घोडा, गधा वा खच्चर सँगै हुनुपर्ने व्यवस्था गरिएको छ।
गधाको हकमा भने साथी पनि गधै हुनुपर्ने विशेष व्यवस्था छ। फिनल्यान्डको खाद्य विभागकी विज्ञ अलिसा मातोमाकीका अनुसार गधाका लागि अर्को गधा नै हुनु निकै महत्वपूर्ण हुन्छ।
अन्य घोडा प्रजातिका लागि भने अर्को कुनै पनि घोडा प्रजातिको साथी भए पुग्छ।
नयाँ नियमले घोडा प्रजातिका जनावरको सामाजिक व्यवहार र आवश्यकता पूरा गर्ने विश्वास गरिएको छ।
यो व्यवस्था पशु कल्याण ऐन २०२४ को एक हिस्साको रूपमा आएको हो। सरकारले यसलाई यही जनवरी १ देखि कार्यान्वयन गर्ने गरि नयाँ निर्देशिका जारी गरेको हो।
पुराना तबेलाहरूका लागि भने केही राहत दिइएको छ। अहिले सञ्चालनमा रहेका तबेलाहरूलाई सुधार गर्न ५ देखि १० वर्षसम्मको संक्रमणकालीन समय उपलब्ध छ।
यसअघि घोडाहरूलाई साथीको व्यवस्था गर्न सुझाव मात्र दिइन्थ्यो। तर अब यसलाई कानुनी रूपमै अनिवार्य बनाइएको हो।
फिनल्यान्डमा पशु अधिकारलाई निकै महत्व दिइन्छ। यहाँका पशु कल्याण नियमहरू विश्वकै कडा मध्येमा पर्छन्। विशेषगरी जाडोको समयमा जनावरहरू धेरै समय भित्रै बस्नुपर्ने हुनाले उनीहरूको सामाजिक संजाललाई महत्व दिइएको हो।
फिनल्यान्डमा करिब ७५,००० घोडाहरू रहेको आकलन छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
