📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goहेलसिन्कीमा साइकल दुर्घटनामा परि एकजनाको मृत्यु भएको फिनल्यान्डको प्रहरीले जनाएको छ।
मेरी-रास्तिलामा गत शुक्रबार भएको एक घटनामा दुई साइकल एक आपसमा ठोक्किदा उक्त घटना भएको हो।
प्रहरीका अनुसार उक्त दुर्घटनामा करिब ७० वर्षका एक साइकलयात्रीलाई गम्भीर चोट लागेको थियो। अस्पतालमा उपचारका क्रममा उनको मृत्यु भएको हो। घटनामा अर्का करिब ८० वर्षका साइकलयात्री गम्भिर घाइते भएका छन्।
हेलसिन्की प्रहरीले दिएको जानकारीअनुसार यो दुर्घटना मेरी-रास्तिलाको साइकल मार्गमा भएको थियो। यो साइकल मार्ग ग्राभेल सतह भएको जंगलको बाटोबाट जान्छ।
दुर्घटनामा मृत्यु भएका व्यक्ति साधारण साइकलमा थिए भने घाइते भएका अर्का व्यक्ति विद्युतीय साइकल चढेका थिए।
प्रहरीको प्रारम्भिक अनुसन्धानले दुवै साइकलयात्रीले हेल्मेट र अन्य आवश्यक साइकल चलाउने उपकरण लगाएको देखाएको छ। यो दुर्घटना कसरी भयो भन्ने बारेमा प्रहरीले थप अनुसन्धान गरिरहेको जनाएको छ।
प्रहरीका अनुसार घटनामा संलग्न ८० वर्षीय वृद्धमाथि ट्राफिक सुरक्षा खतरामा पारेको र अरुको मृत्यु निम्ताएको दुई आरोपमा अनुसन्धान भइरहेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
