📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डका सबैभन्दा लोकप्रिय र प्रभावशाली रक गायकमध्ये एक पाते मुस्तायार्भीको ६९ वर्षको उमेरमा निधन भएको छ।
आज शुक्रबार डिसेम्बर २६ तारिखका दिन आफ्नै गृहनगर ताम्पेरेमा उनको मृत्यु भएको हो।
मुस्तायार्भीको आधिकारिक इन्स्टाग्राम खातामार्फत उनको निधनको जानकारी दिइएको छ।
उनलाई गत अक्टोबरमा क्यान्सर (ट्युमर) देखिएको थियो, जसका कारण उनले आफ्ना सबै सांगीतिक कार्यक्रमहरू रद्द गरेका थिए।
लामो र सफल सांगितिक यात्रा
मुस्तायार्भीको जन्म सन् १९५६ मा ताम्पेरेमा भएको थियो। उनले सन् १९७७ मा Popeda नामक रक ब्यान्ड स्थापना गरेर आफ्नो सांगीतिक यात्रा सुरु गरेका थिए।
मुस्तायार्भी आफ्नो विशेष खस्रो आवाज र मञ्चमा देखिने ऊर्जावान् प्रस्तुतिका लागि चिनिन्थे।
उनलाई ताम्पेरेबाट सुरु भएको Manserock विधाको प्रमुख संवाहक मानिन्छ।
उनले गाएका Ukkometso र Mä elän vieläkin जस्ता गीतहरू फिनल्यान्डमा निकै चर्चित छन्। यी गीतहरू फिनिस जनजीवन र विशेषगरी बार तथा उत्सवहरूमा व्यापक रूपमा बज्छन्।
मुस्तायार्भीले सन् २०२३ मा पोपेडा ब्यान्ड छोडेर एकल गायन यात्रालाई निरन्तरता दिएका थिए। उनले आफ्नो ७०औं जन्मदिनका अवसरमा सन् २०२६ मा विशेष टुर गर्ने योजना बनाएका थिए।
उनको बायोग्राफी/ संस्मरणात्मक पुस्तक सन् २०२६ को जुनमा प्रकाशित हुने तयारीमा थियो। पुस्तकमा उनले आफ्नो सांगीतिक जीवन र पछिल्लो समयको स्वास्थ्य संघर्षबारे लेखेका छन्।
उनको निधनसँगै फिनल्यान्डले आफ्नो संगीत आकाशको एउटा चम्किलो तारा गुमाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
