📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- दुई देशबीचको व्यापारिक सम्बन्धलाई दोब्बर बनाउने साझा लक्ष्य।
- ६जी, आर्टिफिसियल इन्टेलिजेन्स र नवीकरणीय ऊर्जामा सहकार्य हुने।
- भारत–ईयू स्वतन्त्र व्यापार सम्झौताले आर्थिक सम्बन्धमा ल्याउनेछ सुधार।
प्रधानमन्त्री पेत्तेरी ओर्पोले नयाँ दिल्लीमा भारतीय प्रधानमन्त्री नरेन्द्र मोदीसँग द्विपक्षीय वार्ता गर्दै दुई देशबीचको व्यापारलाई दोब्बर बनाउने प्रतिबद्धता व्यक्त गरेका छन्।
प्रधानमन्त्री ओर्पोको भारत भ्रमणले फिनल्यान्ड र भारतबीचको आर्थिक र प्रविधिक सम्बन्धलाई नयाँ उचाइमा पुर्याउने अपेक्षा गरिएको छ।
भेटका क्रममा ६जी प्रविधि, एआई, र स्वच्छ ऊर्जा जस्ता भविष्यका प्रविधिहरूमा सहकार्य बढाउने विषयमा गहन छलफल भएको जनाइएको छ।
मोदीले भारत–ईयू स्वतन्त्र व्यापार सम्झौता (FTA) मा ओर्पोले पुर्याएको व्यक्तिगत सहयोगका लागि धन्यवाद दिएका थिए।
प्रधानमन्त्री ओर्पो २२ वटा फिनिस कम्पनीका प्रतिनिधिहरू सहित भारत भ्रमणमा गएका हुन्। प्रतिनिधिमण्डलमा नोकिया, कोने (KONE) र वार्टसिला (Wärtsilä) जस्ता ठूला कम्पनीका साथै हेलसिन्की विश्वविद्यालय र विभिन्न स्टार्टअपहरू सहभागी छन्।
नेपाली युवाको नेतृत्वमा खुलेको नोर्डेस इन्जिनियरिङका प्रतिनिधि पनि उक्त भ्रमणमा सामेल छन्।
ओर्पोले भारतमा रहँदा ‘इन्डिया एआई इम्प्याक्ट समिट’ मा पनि भाग लिनेछन्। नयाँ दिल्लीमा उनले फिनल्यान्ड एआई नीति र आविष्कारमा विश्वस्तरको विशेषज्ञता राख्ने र सुरक्षित एआई प्रयोगमा नेतृत्व गर्न सक्ने बताएका थिए।
फिनल्यान्डले सन् २०२२ मा मुम्बईमा महावाणिज्य दूतावास खोलेर भारतसँगको सम्बन्धलाई प्राथमिकता दिएको थियो। अहिलेको भ्रमणले विशेषगरी डिजिटलाइजेसन र दिगो विकासका क्षेत्रमा नयाँ अवसरहरू सिर्जना गर्ने लक्ष्य राखेको छ।
फिनल्यान्ड र भारतबीचको कूटनीतिक सम्बन्ध दशकौँ पुरानो भए पनि पछिल्लो समय प्रविधि र जलवायु परिवर्तनका मुद्दामा दुवै देश नजिकिएका छन्।
विशेषगरी ६जी प्रविधिको विकासमा फिनल्यान्डको नोकिया र भारतीय टेलिकम क्षेत्रबीच ठूलो सहकार्यको सम्भावना देखिएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
