📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- उपभोक्ताहरूले धेरै पैसा खर्च गर्न थाल्दा अर्थतन्त्र बन्यो चलायमान।
- आर्थिक अवस्थाबारे आम मानिस र कम्पनीहरूको विश्वास बिस्तारै बढ्दै।
- अर्को वर्ष आर्थिक वृद्धिदर २ प्रतिशतसम्म पुग्ने प्रक्षेपण।
फिनल्यान्डको आर्थिक अवस्थाबारे निराशाजनक समाचारहरूका बीच अब भने केही आशाका संकेतहरू देखा परेका छन्। यिनै आशाका संकेतहरू समेटेर फिनल्यान्डको सार्वजनिक प्रसारण संस्था YLE ले एउटा समाचार प्रकाशन गरेको छ।
YLE का अनुसार समरमा मानिसहरूले सामान्य भन्दा धेरै पैसा खर्च गरेका छन् र कम्पनीहरूको आत्मविश्वास पनि बढेको छ।
जुलाई महिनामा मानिसहरूले किनमेल र सेवाहरूमा निकै पैसा खर्च गरे। विशेष गरी खाना र पेय पदार्थ जस्ता कुराहरूमा खर्च वसन्तको तुलनामा स्पष्ट रूपमा बढ्यो।
OP बैंकका प्रमुख अर्थशास्त्री तोमी कोर्टेलाका अनुसार यो एक महत्त्वपूर्ण र सकारात्मक परिवर्तन हो।
विगतमा मानिसहरूले खर्च गर्नुको सट्टा पैसा बचत गरिरहेका थिए। अहिले पनि फिनिस मानिसहरूसँग बैंक खातामा कीर्तिमानी रकम जम्मा भएको छ। बैंक खातामा पैसा थुप्राएर राख्दा अर्थतन्त्र चलायमान हुँदैन र त्यसले आर्थिक सुधारमा बाधा पुऱ्याउँछ।
Säästöpankki की प्रमुख अर्थशास्त्री हेन्ना मिक्कोनेनका अनुसार जब मानिसहरूको विश्वास बढ्दै जान्छ, उनीहरूसँग खर्च गर्नका लागि प्रशस्त बचत रकम छ, र उनीहरूले त्यो खर्च गर्न थाल्नेछन्।
पछिल्ला तथ्याङ्कहरूका अनुसार मानिसहरूको आफ्नो आर्थिक अवस्थाप्रतिको विश्वास पनि बढेको छ। यद्यपि बेरोजगारीको डर अझै पनि धेरैमा कायमै रहेको देखिन्छ। त्यही डरले मानिसहरूलाई ठूलो खर्च गर्नबाट रोकिरहेको छ।
OP बैंकले अर्को वर्ष अर्थतन्त्र दुई प्रतिशतले बढ्न सक्ने विश्वास व्यक्त गरेको छ।
अर्थतन्त्रको लागि अर्को राम्रो संकेत औद्योगिक क्षेत्रबाट आएको छ। औद्योगिक कम्पनीहरूले नयाँ उपकरण र सेवाहरूको लागि पहिलेभन्दा धेरै अर्डरहरू पाइरहेका छन्। यो भविष्यमा नयाँ रोजगारी सिर्जना हुन सक्ने राम्रो संकेत हो। अर्डर बढेपछि नयाँ कर्मचारीको आवश्यकता पनि बढ्छ र बेरोजगार मानिसहरूले काम पाउछन्।
फिनल्यान्डको अर्थतन्त्र गत वर्ष नै थोरै बढेको थियो। प्राविधिक रूपमा त्यसैले नै मन्दीको अन्त्य भएको संकेत गर्छ। तर हब अर्थतन्त्रमा थप सुधार हुँदै जाने प्रक्षेपण गरिएको छ।
OP बैंकले अर्को वर्ष अर्थतन्त्र दुई प्रतिशतले बढ्न सक्ने विश्वास व्यक्त गरेको छ, जुन एक निकै सकारात्मक पूर्वानुमान हो। यसले यहाँ बसोबास गर्ने सबैका लागि राम्रो आर्थिक भविष्यको आशा जगाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
