📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goहेलसिन्कीको यात्कासारी (Jätkäsaari) क्षेत्रमा शनिबार साँझ एक दुःखद घटनामा करिब १५ वर्षका दुई किशोरीको मृत्यु भएको छ। प्रहरीका अनुसार उनीहरू एक भवनको छतबाट खसेका थिए।
प्रहरीले घटनालाई मृत्युको कारण पत्ता लगाउने अनुसन्धानको रूपमा हेरेको छ। यसमा कुनै आपराधिक कार्यको संलग्नता नरहेको प्रारम्भिक अनुसन्धानले देखाएको छ।
प्रहरीले शनिबार राति करिब ९ बजे यात्कासारीमा दुई व्यक्ति अग्लो ठाउँबाट खसेको सूचना पाएको थियो। घटनास्थलमा तत्कालै प्रहरी र आपतकालीन सेवाका धेरै टोलीहरू पुगेका थिए।
प्रहरीका अनुसार दुई किशोरी भवनको छतबाट तल खसेका थिए। दुवैलाई घटनास्थलमा पुनर्जीवित गर्ने प्रयास गरिए पनि गम्भीर चोटपटकका कारण उनीहरूको घटनास्थलमै मृत्यु भएको थियो।
घटना भएको समयमा घटनास्थलमा धेरै प्रत्यक्षदर्शीहरू थिए। यो घटनाबाट प्रभावित भएकाहरूका लागि हेलसिन्की सहरले आपतकालिन परामर्श (kriisiapua) सेवा उपलब्ध गराएको छ। चौबीसै घण्टा खुला रहने हेल्पलाइन नम्बर +३५८ ९ ३१०४ ४२२२ मा सम्पर्क गरेर सहयोग लिन सकिनेछ।
प्रहरीले हाल यस घटनामा कुनै अपराधको आशंका नगरेको र यसलाई मृत्युको कारणबारे अनुसन्धान को रूपमा अगाडि बढाएको जनाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
