📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- भर्जिनियास्थित मनासस पार्कमा एक नेपाली परिवारका चार सदस्यको गोली लागेर मृत्यु।
- प्रहरीको प्रारम्भिक अनुसन्धान अनुसार घटना हत्या-आत्महत्याको हुनसक्ने।
- मृतकहरूमा ३८ वर्षीय सन्तोष परियार, ३६ वर्षीय अन्जु श्रेष्ठ, ८ वर्षीय छोरी र २ वर्षीय छोरा।
अमेरिकाको भर्जिनिया राज्यस्थित मनासस पार्क शहरमा एक नेपाली परिवारका चारै जना सदस्य मृत अवस्थामा फेला परेका छन्। स्थानीय प्रहरीले यस घटनालाई हत्या-आत्महत्याको कोणबाट अनुसन्धान गरिरहेको जनाएको छ।
मनासस पार्क प्रहरी विभागका अनुसार जुन ५, २०२५ को राति लगभग १०:४० बजे, लाने लेनको ९४०० ब्लकमा रहेको एक घरमा घरमालिकले आफ्ना बहालवालाहरूको अवस्था बुझ्न प्रहरीलाई अनुरोध गरेका थिए।
घरमालिकको सूचनाको आधारमा प्रहरी उक्त निवासमा पुग्दा तल्लो तलाको अपार्टमेन्टमा परिवारका चारै सदस्यलाई मृत अवस्थामा फेला पारेको थियो।
प्रहरीका अनुसार मृतकहरू ३८ वर्षीय सन्तोष परियार, ३६ वर्षीया अन्जु श्रेष्ठ, उनीहरूका ८ वर्षीया छोरी र २ वर्षीय छोरा रहेका छन्। सबैको शरीरमा गोली लागेको देखिएको छ। घटनास्थलबाट एक थान हतियार पनि बरामद भएको प्रहरीले जनाएको छ।
प्रहरीले यस घटनालाई सम्भावित हत्या-आत्महत्याको रूपमा वर्गीकरण गरी अनुसन्धान अगाडि बढाएको छ। मृतकहरूको शवलाई पोस्टमार्टम तथा मृत्युको यकिन कारण पत्ता लगाउन मनाससस्थित मेडिकल एक्जामिनरको कार्यालयमा पठाइएको छ।
प्रहरीले मृतकका आफन्तहरूलाई खबर गर्ने प्रयास गरिरहेको र घटनाको अनुसन्धान जारी रहेकोले आम नागरिकलाई धैर्य धारण गर्न आग्रह गरेको छ।
घटनाले स्थानीय नेपाली समुदाय तथा सम्पूर्ण मनासस पार्क क्षेत्रमा स्तब्धता छाएको छ।
यो घटनाले स्थानीय नेपाली समुदाय तथा सम्पूर्ण मनासस पार्क क्षेत्रमा स्तब्धता छाएको अमेरिकाबाट प्रकासित हुने अंग्रेजी भाषाको अनलाइन नेपयोर्कले जनाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
