📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डको राजधानी हेलसिन्कीबाट करिब १४० किलोमिटर दुरीमा रहेको लाहती र कौभोला बिच रहेको इइटी सहरमा आइतबार साँझ एक ५२ वर्षीय पुरुषको हत्या भएको प्रहरीले जनाएको छ।
इइटीको कौसालास्थित एक अपार्टमेन्टमा उक्त हत्याको घटना भएको प्रहरीले जनाएको छ। घटनाको अनुसन्धानका लागि प्रहरीले लापेरान्ता र इइटीमा व्यापक खोजतलास गरेको थियो।
सोमबार प्रहरीले हत्यामा संलग्न भएको आशंकामा एक जनालाई पक्राउ गरेको थियो। पक्राउ परेका व्यक्ति १५ वर्षीय किशोर भएको र उनीमाथि पहिले कुनै पनि अपराधको अभियोग नलागेको बताइएको छ।
प्रत्यक्षदर्शीहरूका अनुसार आइतबार उक्त अपार्टमेन्टबाट प्रहरीले एउटा शव बाहिर निकालेको थियो। त्यसपछि प्रहरीले भवनको वरपर र फोहोर फाल्ने ठाउँहरूमा पनि केही खोजतलास गरेको थियो।
सामान्यतया शान्त मानिने उक्त क्षेत्रमा भएको यो घटनाले स्थानीय बासिन्दालाई स्तब्ध बनाएको स्थानीय पत्रिकाले लेखेका छन्।
हामे प्रहरी विभागले हत्याको आशंकामा पक्राउ परेका किशोरलाई हिरासतमा राख्न पैयात-हामे जिल्ला अदालतसँग अनुमति मागेको छ।
प्रहरीले घटनाको अनुसन्धानलाई निकै गोप्य राखेको छ र अनुसन्धान जारी रहेकोले थप जानकारी दिन अस्वीकार गरेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
