📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- सेप्टेम्बर २ मा हेलसिन्कीको ह्वाइट चर्चमा मौन धारणा कार्यक्रम हुने।
- बाढीका मृतकप्रति श्रद्धाञ्जली र पीडित परिवारप्रति ऐक्यबद्धता प्रकट गरिने।
- एनआरएनए फिनल्यान्डद्वारा सम्पूर्ण नेपाली समुदायलाई उपस्थितिका लागि आह्वान।
नेपालमा हालै आएको विनाशकारी बाढीमा ज्यान गुमाउनेहरूको सम्झनामा फिनल्यान्डको हेलसिन्कीमा श्रद्धाञ्जली कार्यक्रमको आयोजना हुने भएको छ।
गैरआवासीय नेपाली संघ (एनआरएनए) फिनल्यान्डको नेतृत्चमा मृतकहरूप्रति श्रद्धाञ्जली अर्पण गर्न मौन धारणा कार्यक्रम तय गरिएको हो।
उक्त कार्यक्रम आगामी बुधबार, अर्थात् सेप्टेम्बर २ मा हेलसिन्कीस्थित सेतो चर्च (White Church) मा साँझ ६ बजे सुरु हुनेछ।
यो दुःखद घडीमा पीडित परिवारलाई साथ दिन यो कार्यक्रम आयोजना गरिएको एनआरएनए फिनल्यान्डले जनाएको छ।
एनआरएनएको पहलमा आयोजना गरिएको भएपनि कार्यक्रम फिनल्यान्डमा बस्ने नेपाली र नेपाललाई माया गर्ने र ऐक्यबद्धता जनाउन चाहाने सबैको भएको एनआरएनएका अध्यक्ष योगेन्द्र संग्रौलाले नेपालीलाइनेनलाई बताए।
नेपालको रसुवा-भोटेकोसी क्षेत्रमा आएको भीषण बाढीले ठूलो जनधनको क्षति भएको छ।
फिनल्यान्डमा रहेका नेपालीहरूले यसअघि पनि विपत्ति र संकटको समयमा राहत सङ्कलन र ऐक्यबद्धता कार्यक्रमहरू मार्फत मातृभूमिलाई निरन्तर साथ दिँदै आएका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
