…संक्षेपमा.
• फिनल्याण्डमा आप्रवासीको संख्या बढ्दो, जनसंख्या सुस्त गतिमा बढ्दै।
• फिनल्याण्डको जनसंख्या वृद्धिमा आप्रवासीको योगदान मूख्य।
• फिनल्याण्डमा मृत्युदर बढी, तर जनसंख्या घटेन।
Statistics Finland को प्रारम्भिक तथ्यांक अनुसार सन् २०२५ को फेब्रुअरी महिनासम्म फिनल्याण्डको जनसंख्या ५६ लाख ३९ हजार ६ सय पुगेको छ। जनवरी र फेब्रुअरी महिनामा मात्र देशको जनसंख्यामा २,३८६ जनाको वृद्धि भएको छ।
जनसंख्यामा वृद्धि मुख्यतया विदेशी आप्रवासनको कारणले भएको देखिन्छ। पछिल्लो तथ्यांक अनुसार यस अवधिमा आप्रवासी र प्रवासीको फरक ४,८८१ रहेको छ, जसमा आप्रवासीको संख्या बढी छ। तर यही अवधिमा मृत्यु हुनेको संख्या जन्मिएका बालबालिकाको संख्या भन्दा २,७९८ ले बढी रहेको छ। कोरोना महामारीको समयमा फिनल्याण्डमा जन्मदर बढेको थियो तर त्यो ‘ट्रेन्ड’ लामो समयसम्म टिक्न सकेन।
विगत केही वर्षको तथ्यांक हेर्दा फिनल्याण्डमा जन्मदर भन्दा मृत्युदर बढी रहेको देखिन्छ। तर विदेशी आप्रवासनको कारणले कुल जनसंख्यामा सकारात्मक वृद्धि भइरहेको छ। Statistics Finland का अनुसार सन् २०२४ को जनवरी र फेब्रुअरी महिनामा पनि यस्तै प्रवृत्ति देखिएको थियो।
फिनल्याण्डको जनसंख्या सन् २०२५ को फेब्रुअरीसम्म ५६ लाख ३९ हजार ६ सय पुगेको छ। मृत्युदर जन्मदर भन्दा बढी भएपनि आप्रवासीका कारण गर्दा कुल जनसंख्यामा वृद्धि भएको हो।
फिनल्याण्डको जनसांख्यिक विवरण हरेक महिना अद्यावधिक गरिन्छ र मार्च २०२५ को तथ्यांक अप्रिल २५ मा सार्वजनिक गरिने जनाइएको छ। यो तथ्यांक फिनल्याण्डको आधिकारिक तथ्यांक विभाग Statistics Finland द्वारा संकलन र प्रकाशन गरिन्छ।
