📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- टिकटकको फिनल्यान्डमा एक अर्ब युरोको डेटा सेन्टर लगानी गर्ने योजना।
- फिनल्यान्डका अर्थमन्त्री र प्रधानमन्त्रीले टिकटक डिलबारे टिप्पणी गर्न अस्वीकार गरे।
- चिनियाँ कानून र सुरक्षा चिन्ताका कारण पश्चिमा देशहरूमा टिकटकमाथि निगरानी र प्रतिबन्ध छ।
रोयटर्स समाचार एजेन्सीका अनुसार छोटो भिडियो बनाउने सामाजिक सञ्जाल टिकटकले फिनल्यान्डमा एक अर्ब युरो (करिब १५२ अर्ब नेपाली रुपैयाँ) बराबरको डाटा सेन्टर निर्माणमा लगानी गर्ने योजना बनाएको छ। टिकटकका प्रवक्ताले बुधबार रोयटर्सलाई यसको पुष्टि गरेका हुन्। यद्यपि उनले यस बारेमा थप विस्तृत जानकारी दिन चाहेनन्। यसअघि दुई अज्ञात स्रोतले रोयटर्सलाई टिकटकको योजनाबारे बताएका थिए।
फिनल्यान्डका व्यापार तथा उद्योग मन्त्री भिल्ले रिडम्यानले यस विषयमा टिप्पणी गर्न अस्वीकार गरेका छन्। प्रधानमन्त्री पेत्तेरी ओर्पोले पनि Iltalehti वा रोयटर्सको टिप्पणीका लागि गरेको अनुरोधमा जवाफ दिएका छैनन्। यो योजना र सरकारी अधिकारीहरूको मौनताले युरोपमा टिकटकको भविष्य र सुरक्षाबारे चलिरहेको बहसलाई थप चर्काएको छ।
युवाहरू माझ लोकप्रिय टिकटक एपको स्वामित्व चिनियाँ कम्पनी बाइटड्यान्ससँग छ। यस एपसँग जोडिएका सम्भावित डाटा सुरक्षा खतराहरूले पश्चिमा देशहरूमा बहस सिर्जना गरेका छन्। उदाहरणका लागि, फिनल्यान्डको संसद, युरोपेली संसद र युरोपेली आयोगले आफ्ना उपकरणहरूमा टिकटकको प्रयोगमा प्रतिबन्ध लगाएका छन्।
फिनल्यान्डको संसद, युरोपेली संसद र युरोपेली आयोगले आफ्ना उपकरणहरूमा टिकटकको प्रयोगमा भने प्रतिबन्ध लगाएका छन्।
सुरक्षा चिन्ताको मुख्य कारण चीनको कानून हो जसले चीनमा सञ्चालित कम्पनीहरूलाई चिनियाँ गुप्तचर सेवाहरूसँग सहकार्य गर्न बाध्य पार्छ। टिकटकले आफ्नो चिनियाँ मूललाई लुकाउन कर छलीको स्वर्गको रूपमा चिनिने केम्यान टापुहरूमा कम्पनी दर्ता गरेको छ। रोयटर्सका अनुसार, टिकटकले २०२३ मा एक लगानी कार्यक्रम घोषणा गरेको थियो जसको लक्ष्य आगामी दस वर्षमा एट्लान्टिकको दुवैतर्फ १२ अर्ब युरो लगानी गर्ने रहेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
